وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 18 قازاندا الاياققا الدانعان ءۇش ادامنان شاعىم تۇسكەن.
«اتىراۋ قالالىق پوليتسيا باسقارماسىنا 22, 27 جانە 35 جاستاعى جەرگىلىكتى ءۇش تۇرعىن ارىزداندى. ولار 37 جاستاعى ازاماتتىڭ جوعارى وقۋ ورنىنا اقىسىز تۇسىرۋگە ۋادە بەرگەنىن ايتقان. كۇدىكتى الاياقتىق جولمەن جابىرلەنۋشىلەردىڭ بىرىنەن 600 مىڭ, ەكىنشىسىنەن 292 مىڭ, ال ۇشىنشىسىنەن 350 مىڭ تەڭگە العان. الايدا, وسى كەزگە دەيىن ۋادە ەتىلگەن وقۋعا تۇسىرمەگەن, نە العان اقشانى كەرى قايتارماعان. جابىرلەنۋشىلەر الاياققا الداعانىن ءبىلىپ, پوليتسيا قىزمەتكەرلەرىنىڭ كومەگىنە جۇگىنگەن», دەپ حابارلادى دەپارتامەنتتىڭ ءباسپاسوز قىزمەتى.
قازىر كۇدىككە ىلىنگەن الاياققا قاتىستى قر قىلمىستىق كودەكسىنىڭ 190-بابىنىڭ 3-بولىگىمەن (الاياقتىق) قىلمىستىق ءىس تىركەلىپ, سوتقا دەيىنگى تەرگەۋ جۇرگىزىلۋدە.
