ايماقتار • 21 قازان، 2021

تۇركىستان وبلىسى مەكتەپتەرىنەن بۇزۋشىلىقتار انىقتالدى

85 رەت كورسەتىلدى

تۇركىستان وبلىسىنىڭ مەكتەپتەرىندە وقۋ-تاربيە ۇدەرىسىن ۇيىمداستىرۋدا بىرقاتار ورەسكەل بۇزۋشىلىقتار انىقتالدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى Egemen.kz.

ء«بىزدىڭ ارىپتەستەرىمىز، بالالار قۇقىعىن قورعاۋ جونىندەگى توراعا، بالالار قۇقىعىن قورعاۋ جونىندەگى كەڭەسشى بىردەن تۇركىستان وبلىسىنا ۇشىپ كەتتى. بۇگىنگى تاڭدا بەسىنشى سىنىپ وقۋشىسىنىڭ قايتىس بولۋ فاكتىسى بويىنشا تەرگەۋ جۇرگىزىلۋدە. سوت-مەديتسينالىق ساراپتاما تاعايىندالدى. ناتيجەلەرى بويىنشا ءتيىستى شارالار قابىلدايتىن بولامىز»، دەپ سەندىردى ايماعامبەتوۆ.

ول مەكتەپ وقۋشىلارىنىڭ تۋىستارىنىڭ سوزدەرى قانشالىقتى شىندىققا سايكەس كەلەتىنىن جانە ونىڭ سەبەبى نەدە ەكەنىن ايتۋعا ءالى ەرتە ەكەنىن ايتتى،

سونىمەن قاتار، ونىڭ ايتۋىنشا، ءبىلىم بەرۋ جانە تاربيە پروتسەسى بويىنشا تەكسەرۋ جۇرگىزىلىپ، بىرقاتار ورەسكەل بۇزۋشىلىقتار انىقتالدى.

«تۇركىستان وبلىسىنىڭ بىرقاتار ءبىلىم بەرۋ ۇيىمدارى بويىنشا دا وسىنداي فاكتىلەر بار. وقۋ-تاربيە ۇدەرىسىن ۇيىمداستىرۋ بويىنشا ۇلكەن بۇزۋشىلىقتار بار ەكەنىن كوردىك. ارينە، بۇل بۇزۋشىلىقتار ءۇشىن تەرگەۋدىڭ ناتيجەسىنە قاراماستان قۇزىرەتتى ورگاندار ءتيىستى شارالار قابىلدايتىن بولادى»، دەپ ءتۇسىندىردى مينيستر.

تۇركىستان وبلىسىندا بەسىنشى سىنىپ وقۋشىسىنىڭ قايتىس بولۋىنا ءبىلىم جانە عىلىم ۆيتسە-ءمينيسترى شولپان كارينوۆا تۇسىنىكتەمە بەرىپ، بۇل فاكت بەلگىلى بولعاننان كەيىن بعم بالالاردىڭ قۇقىقتارىن قورعاۋ كوميتەتىنىڭ وكىلدەرى تۇركىستان وبلىسىنا بارىپ، بۇگىن سول جەردە جۇمىس ىستەپ جاتقانىن اتاپ ءوتتى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار