Sputnik قازاقستان مالىمەتىنشە, وقيعا 18 قازاندا № 13 مەكتەپ-گيمنازيادا بولعان.
مەكتەپ ديرەكتورى سۆەتلانا احمەتجانوۆا اتاپ وتكەندەي, بۇل مۇعالىمنىڭ 27 جىلدىق كاسىبي ءوتىلى بار.
وقيعادان كەيىن مۇعالىممەن اڭگىمە جۇرگىزىلدى, كەيىن جۇمىستان دا بوساتىلدى.
«19 قازاندا ەڭبەك شارتى بىرجاقتى تارتىپپەن بۇزىلدى», دەپ ءتۇسىندىردى مەكتەپ-گيمنازيا اكىمشىلىگى.
سونداي-اق, وقۋ ورنىنا قىزمەتتىك تەكسەرۋ جۇرگىزىلدى.
«قازىرگى ۋاقىتتا سىنىپتا وقۋ پروتسەسى جالعاسۋدا. بالالارمەن پسيحولوگ جۇمىس ىستەدى, ال اتا-انالارمەن جينالىس وتكىزىلدى», دەپ قورىتىندىلادى وبلىس ءبىلىم باسقارماسى.
ايتا كەتسەك, كەيبىر اتا-انالار مۇعالىمگە قوسىلىپ, مۇعالىمدى جۇمىستان شىعارماۋدى ءوتىندى. ولاردىڭ پىكىرىنشە, اتا-انالار بالالاردىڭ تاربيەسىنە نازار اۋدارىپ, مەكتەپكە دايىندىقتى باقىلاۋى كەرەك.
