ەكولوگيا • 21 قازان، 2021

كۇرشىم وزەنى دە لاستانا باستادى

54 رەت كورسەتىلدى

الەۋمەتتىك جەلىلەردە شىعىس قازاقستان وبلىسىنداعى كۇرشىم وزەنىنىڭ لاستانۋى تۋرالى بەينەروليك تارادى، دەپ حابارلايدى Egemen.kz.

وسىعان بايلانىستى، شىعىس قازاقستان وبلىسى بويىنشا ەكولوگيا دەپارتامەنتى جەرگىلىكتى ءىىب جانە پروكۋراتۋرا قىزمەتكەرلەرىمەن بىرلەسىپ وقيعا ورنىنا دەرەۋ باردى، دەپ حابارلادى ەكولوگيا مينيسترلىگىنىڭ ءباسپاسوز قىزمەتى.

كۇرشىم وزەنىنىڭ ارناسىن مارالدى اۋىلىنا قاراي تەكسەرۋ بارىسىندا وزەننىڭ قيىنسۋ وزەنى اعاتىن جەردە (مارالدى اۋىلىنان شامامەن 12-15 كم) لاستانۋ فاكتىسى تىركەلدى. بۇل رەتتە كۇرشىم وزەنىنىڭ سۋى قيىنسۋ وزەنى اعاتىن جەردەن جوعارىسى، تازا. جەدەل توپ مارالدى اۋىلىنىڭ ماڭىندا ورنالاسقان «ماراليحاگولد» جشس باعالى مەتالداردى بارلاۋ جانە ءوندىرۋ ورنىن قاراپ شىقتى.

جۇرگىزىلگەن تەكسەرۋ 2-3 تۇندىرعىشتا كەندى بايىتۋ كەزىندە بۇرىن پايدالانىلعان سۋ جوق ەكەنىن كورسەتتى. «ماراليحاگولد» جشس جۇمىسشىلارىنىڭ ايتۋىنشا، 14 قازاندا وندىرىستە پايدالانىلعان سۋ «ۆاسيلەۆسكي» بۇلاعىنا تۇسكەن. ۆاسيلەۆسكي بۇلاعىنىڭ سۋى «بۋگۋل» بۇلاعىنا قۇيادى، ول قيىنسۋ وزەنىنە، ال ول ءوز كەزەگىندە كۇرشىم وزەنىنە قۇيادى.

«اتالعان فاكتى ءاىىب اقپاراتتى ەسەپكە الۋ كىتابىندا تىركەلگەن. جينالعان ماتەريال ەكولوگيا دەپارتامەنتى مەن ەرتىس باسسەيندىك ينسپەكتسياسىنا جىبەرىلدى. قابىلدانعان شارالار تۋرالى اقپارات قوسىمشا حابارلاناتىن بولادى»، دەلىنگەن حابارلامادا.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار