مۇنداي وزگەرىس تاياۋدا مەملەكەت باسشىسىنىڭ جارلىعىمەن بەكىتىلگەن «قۋاتتى وڭىرلەر – ەل دامۋىنىڭ درايۆەرى» ۇلتتىق جوسپارىندا كوزدەلگەن. اتالعان جوبانىڭ ءبىر باعىتى «جايلى تۇرعىن ءۇي» مىندەتىن شەشۋگە باعىتتالعان.
جوبانىڭ جۇزەگە اسىرىلۋىنا جاۋاپتى قر يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى مەملەكەت باسشىسى قاسىم-جومارت توقاەۆتىڭ وسى جىلدىڭ 1 قىركۇيەگىندەگى جولداۋىنا سايكەس, جۇزەگە اسىرىلاتىن جەڭىلدىكتى يپوتەكالىق باعدارلامالاردىڭ بىرىڭعاي شارتى قاراستىرىلاتىندىعىن اتاپ وتەدى.
«بۇل ءۇشىن مەملەكەتتىك جوسپارلاۋ جۇيەسىنە سايكەس تۇجىرىمداما قابىلدانعاننان كەيىن بەكىتىلەتىن ەرەجەنى ازىرلەۋ جوسپارلانىپ وتىر. كرەديت بەرۋدىڭ بىرىڭعاي ەڭ جوعارى سوماسى 15-18 ملن تەڭگە شەگىندە, الدىن الا تۇرعىن ءۇي زاەمىنىڭ ەڭ تومەنگى جارناسى 10 پايىز مولشەرىندە ايقىندالاتىن بولادى. جەڭىلدىك باعدارلاماسىنا قاتىسۋشىلار ءتىزىمى كەڭەيتىلىپ, ەڭ تومەنگى كۇنكورىستىڭ شەكتى مولشەرى ۇلعايتىلادى», دەپ اتاپ وتەدى ۆەدومستۆودان.
