وقيعا • 20 قازان، 2021

بعم تۇركىستان وبلىسىنداعى وقۋشىنىڭ ولىمىنە قاتىستى تۇسىنىكتەمە بەردى

46 رەت كورسەتىلدى

وكق الاڭىندا وتكەن بريفينگتە ءبىلىم جانە عىلىم ءبىرىنشى ۆيتسە-ءمينيسترى شولپان كارينوۆا تۇركىستان وبلىسىندا 5-سىنىپ وقۋشىسىنىڭ ولىمىنە قاتىستى تۇسىنىكتەمە بەردى، دەپ جازادى Egemen.kz.

«ارينە، بالا ءولىمى – بۇل ۇلكەن تراگەديا. بۇل جاعداي بەلگىلى بولعان سوڭ، بىردەن بالالاردىڭ قۇقىقتارىن قورعاۋ كوميتەتىنىڭ وكىلدەرى تۇركىستان وبلىسىنا اتتاندى. بۇگىنگى كۇنى ولار سول جاقتا جۇمىس ىستەپ جاتىر. بۇل فاكتى بويىنشا ءتيىستى ورگاندار تەرگەۋ شارالارىن جۇرگىزۋدە. ناتيجەسى انىق بولعاندا تاعى حابارلايمىز»، دەپ جاۋاپ بەردى ۆيتسە-مينيستر وكق-دا.

شولپان كارينوۆا وقۋشىدان اقشا بوپسالاۋ ماسەلەسى بويىنشا الدىن الا بولجام جاساماۋعا شاقىردى.

«مەنىڭ ويىمشا، قورىتىندى جاساۋعا اسىعۋدىڭ قاجەتى جوق. مۇندا ءتيىستى ورگاندار جۇمىستارىن اياقتاۋى كەرەك. سوندا عانا شەشىم شىعارىلادى. ال اقشا جيناۋ ماسەلەسىنە كەلەر بولساق، بعم مۇنى ۇنەمى ايتىپ كەلەدى. اتا-انالار اراسىندا بولسىن، جالپى مەكتەپتىڭ ىشىندە اقشا جينالماۋى ءتيىس. ءار فاكتىنى جەكە قاراستىرىپ، ەڭ قاتاڭ شارالار قابىلدانادى»، دەپ تولىقتىردى كارينوۆا.

ەسكە سالا كەتەيىك، وتكەن اپتادا تۇركىستاندا 5-سىنىپ وقۋشىسى كوز جۇمعان بولاتىن. قازا تاپقان وقۋشىنىڭ اجەسىنىڭ ايتۋىنشا، ونى اقشا تاۋىپ بەرە الماعانى ءۇشىن سىنىپتاسى مەكتەپتىڭ دارەتحاناسىندا سوققىعا جىققان. ال دارىگەرلەر بالانىڭ باسىندا اۋىر جاراقات بولعانىن ايتادى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار