كوروناۆيرۋس • 20 قازان، 2021

قازاقستاندا جاڭا وتاندىق ۆاكتسينا سالىنا باستادى

50 رەت كورسەتىلدى

«QazCoVac–P» اتتى تاعى ءبىر قازاقستاندىق ۆاكتسينانى سىناقتان وتكىزۋدىڭ ەكىنشى كەزەڭى باستالدى. سونىڭ اياسىندا جاڭا ەكپە 200 ادامعا سالىنادى، دەپ حابارلايدى Egemen.kz.

بيولوگيالىق قاۋىپسىزدىك ينستيتۋتىنىڭ عالىمدارى QazCoVac–P ۆاكتسيناسىن كلينيكالىق سىناقتان وتكىزۋدىڭ ەكىنشى ساتىسىن باستاعانىن مالىمدەدى.

وسى جولى كوروناۆيرۋسقا قارسى تاعى ءبىر وتاندىق ەكپە 200 ادامعا ەگىلەدى. عالىمدار پرەپاراتتىڭ ينفەكتسيادان قانشالىقتى قورعايتىنىن، سونداي-اق قاۋىپسىزدىك دەڭگەيىن باقىلاپ كورەدى. وسى ۆاكتسينانىڭ اسەرى بارىنشا جەڭىل بولادى دەگەن جوسپار بار.

عىلىمي-زەرتتەۋ ينستيتۋتىندا QazCoVac–P ۆاكتسيناسىمەن قوسا تاعى ەكى ۆەكتورلىق ۆاكتسينا جاسالىپ جاتىر. ال «دەلتا» شتامنىڭ نەگىزىندەگى ەكپە دايىن تۇر. عالىمدار بۇل پرەپاراتتاردى جانۋارلارعا سىناپ كورگەن. قازىر ۆاكتسينالاردىڭ ساقتالۋ مەرزىمى تەكسەرىلىپ جاتىر. سىناق ءساتتى وتسە، قورىتىندىسى ليتسەنزياسى بار الەمدىك عىلىمي جۋرنالداردا جاريالانۋى ءتيىس.

«بىزدە ۆاكتسينانى تاڭداۋعا بولادى. ادام رەۆاكتسيناتسياعا قاي ۆاكتسينانى السا دا، ول ءتيىمدى بولادى. ءوندىرۋشى يممۋندىق جاۋاپتىڭ جاقسى ءتيترى بولۋى ءۇشىن ەكى دوزانى سالۋ كەرەك دەسە، ەكى دوزانى دا سالاسىز»، دەيدى زەرتحانا مەڭگەرۋشىسى نۋريكا اسانجانوۆا.

ايتا كەتەرى، ءدال وسى ينستيتۋتتا  كوروناۆيرۋسقا قارسى QazVaس ەكپەسى جاسالعان بولاتىن. وسى ۋاقىتقا دەيىن وسى ۆاكتسينانىڭ 1 ميلليون 700 مىڭ دوزاسى پايدالانىلسا، جىل سوڭىنا دەيىن تاعى 1 ميلليون 300 مىڭ دوزانى ءوندىرۋ جوسپارلانىپ وتىر.

QazCoVac–P ەكپەسى - يناكتيۆتى ۆاكتسينالارعا ۇقساس پرەپارات. ونىڭ قۇرامىندا ءتىرى ۆيرۋس جوق. سول سەبەپتى ونى قاۋىپسىز ۆاكتسينا بولىپ سانالادى.

 

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار