كۇدىكتىلەر ۋاقىتشا تەرگەۋ اباقتىسىنا قامالىپ, تەرگەۋ شارالارى جۇرگىزىلۋدە. تۇركىستان وبلىسىنىڭ مامانداندىرىلعان تەرگەۋ سوتىنىڭ مالىمەتىنشە, مەكتەپ ديرەكتورى جەرگىلىكتى تۇرعىندى جۇمىسقا قابىلداۋ ءۇشىن 800 مىڭ تەڭگە كولەمىندە پارا العان.
قوماقتى قاراجاتتىڭ جارتىسىن اۋداندىق ءبىلىم ءبولىمى باسشىنا جەتكىزىپ بەرگەن. وسى كەزدە ەكەۋى دە قۇزىرلى ورگان وكىلدەرىنىڭ قولىنا ءتۇستى. قازىرگى تاڭدا تۇركىستان وبلىسىنىڭ مامانداندىرىلعان تەرگەۋ سوتى قوس بىردەي ءبىلىم سالاسى وكىلدەرىن ەكى ايعا قاماۋ تۋرالى سانكتسيا شىعاردى.
«سايرام اۋدانىنىڭ ءبىلىم ءبولىمىنىڭ باستىعى مەن مەكتەپ ديرەكتورىنا قاتىستى قىلمىستىق ءىس قارالىپ, ەكى اي مەرزىمگە سانكتسيا بەرىلدى. ولارعا قاتىستى قىلمىستىق كودەكستىڭ 366 بابى 3-ءشى بولىگىنىڭ 2-ءشى تارماعىمەن قىلمىستىق ءىس قوزعالدى. قازىرگى كەزدە سوتتىڭ قاۋلىسى زاڭدى كۇشىنە ەنگەن جوق. تاراپتار شاعىم كەلتىرىپ, اپپەلياتسيالىق سوتقا جولداندى», دەيدى تۇركىستان وبلىسىنىڭ مامانداندىرىلعان تەرگەۋ سوتىنىڭ سۋدياسى ءابدۋالى قوسمۇراتوۆ.
