قالالىق پوليتسيا باسقارماسى ءباسپاسوز قىزمەتى حابار تاراتقانداي, 18 قازاندا «102» جەدەل ارناسىنا شۇعىل قىزمەت پسيحولوگى 12 جاسار قىزدىڭ حابارلاسقانى تۋرالى ايتتى.
ءجاسوسپىرىم ءوز سوزىندە اتا-اناسىنىڭ ونى جانە اپايىن ۇرىپ-سوعاتىنى تۋرالى جەتكىزگەن.
«اتالعان شاعىم بويىنشا پوليتسيا قىزمەتكەرلەرى تەكسەرۋ جۇرگىزدى. بەلگىلى بولعانداي, كامەلەتكە تولماعان بالا مەكتەپكە بارماۋ ءۇشىن وسى وقيعانى ويلاپ تاپقان. جەتكىنشەكتىڭ اناسى ونى قوسىمشا ساباقتارعا جازعان, ال وقۋشى قىز وعان قاتىسقىسى كەلمەگەن», دەپ حابارلادى ۆەدومستۆو وكىلدەرى.
كامەلەتكە تولماعاندار ءىسى جونىندەگى ينسپەكتورلار بالامەن جانە ونىڭ اتا-اناسىمەن پروفيلاكتيكالىق اڭگىمە وتكىزدى.
