وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى حابارلاعانداي, قازان ايى باستالعالى بەرى جەدەل جاردەم قىزمەتىنە 23 شاقىرتۋ تۇسكەن.
«جەدەل جاردەمگە 1-19 قازان ارالىعىندا اتىراۋ قالاسىنداعى شاعىن اۋدانداردا جەكە ۇيلەردە تۇراتىن تۇرعىندار جۇگىندى. سارىشايانداردان زارداپ شەككەندەرگە جەدەل جاردەم بريگاداسى جەدەل جەتىپ, العاشقى مەديتسينالىق كومەك كورسەتتى. شاعىمدانۋشىنىڭ جاعدايىنا بايلانىستى ستاتسيونارلارلىق ەمدەۋگە جاتقىزۋ جۇرگىزىلەدى. ادەتتە مۇنداي جاندىكتەن زارداپ شەككەندەر دارىگەرلەردىڭ امبۋلاتورلىق باقىلاۋىندا بولادى», دەپ حابارلادى باسقارمانىڭ ءباسپاسوز قىزمەتى.
قازىرگى ۋاقىتتا وبلىستىق بالالار اۋرۋحاناسى مەن وبلىستىق اۋرۋحاناعا سارىشايان شاققان ناۋقاستار تۇسپەگەن.
