ايماقتار • 16 قازان، 2021

پاۆلوداردا «قاسيەتتى قازاق ەلى» حالىقارالىق ونەر فەستيۆالى ءوتتى

105 رەت كورسەتىلدى

2021 جىلعى 14-15 قازاندا پاۆلوداردا ەل تاۋەلسىزدىگىنىڭ 30 جىلدىعىنا وراي ءداستۇرلى «قاسيەتتى قازاق ەلى» حالىقارالىق ونەر فەستيۆالى ءوتتى، دەپ حابارلايدى Egemen.kz.

فەستيۆالگە ەلىمىزدىڭ بارلىق وڭىرلەرىنەن كەلگەن قازاقستاندىقتار، سونداي-اق، تۇركيا، موڭعوليا، رەسەي، قىتاي، وزبەكستان سياقتى الىس جانە جاقىن شەتەلدەردەن كەلگەن 40 وتانداسىمىز قاتىستى.
«قاسيەتتى قازاق ەلى» حالىقارالىق ونەر فەستيۆالىنىڭ گران-پري يەگەرلەرى مەن جۇلدەگەرلەرىنە ءۇش نوميناتسيا بويىنشا ارنايى مەدالدار، ديپلومدار مەن باعالى سىيلىقتار تابىس ەتىلدى.
فەستيۆال قورىتىندىسى بويىنشا «ۆوكال» نوميناتسياسىنىڭ باس جۇلدەسىن تۇركيادان كەلگەن وتانداسىمىز گۇلبۋسا شەندۋران الدى. ول انكاراداعى تۇركيا مەملەكەتتىك كونسەرۆاتورياسىندا وپەرا سىنىبىندا وقيدى.
«حالىقتىق قولدانبالى قولونەر» نوميناتسياسىنىڭ جەڭىمپازدارى قازاقستاندىق انار جۋراگات پەن تۋعاناي جولاكوۆا، رەسەيدەن كەلگەن قانداستارىمىز ارتىقباي سماعۇلوۆ جانە وزبەكستاننان الىبەك نىشانباەۆ بولدى.
ء«مۇشايرا» جانرى بويىنشا: وزبەكستاننان جاراسقان مەرزامۋراتوۆ، موڭعوليادان داناگۇل يساحۋل جانە شامشىراق حاۋتاي، قازاقستاننان اسحات تاتتىمبەك.
«تەرمە» باعىتى بويىنشا پاۆلودار وبلىسىنىڭ تۇرعىنى ازامات بازارباي ارنايى سىيلىققا يە بولدى.

فەستيۆالدىڭ مازمۇندى بولىگى ءتۇرلى ەلدە تۇراتىن قانداستاردىڭ بىرلىگى مەن ءپاتريوتيزمى يدەيالارىن ىلگەرىلەتۋگە باعىتتالعان.
ەستەرىڭىزگە سالا كەتەيىك، فەستيۆال قانداستار ءۇشىن ءداستۇرلى ءىس-شاراعا اينالدى، ونىڭ ماقساتى: وتانداستاردىڭ شىعارماشىلىق جانە ءبىلىم بەرۋ الەۋەتىن ارتتىرۋ، قازاق دياسپوراسىنا انا ءتىلى مەن مادەني قۇندىلىقتاردى وقىتۋدا ادىستەمەلىك جانە ۇيىمداستىرۋشىلىق قولداۋ كورسەتۋدىڭ ماڭىزدى ماسەلەلەرىن تالقىلاۋ، دارىندى ورىنداۋشىلاردى انىقتاپ، ولاردى قولداۋ.

فەستيۆال اقپارات جانە قوعامدىق دامۋ مينيسترلىگىنىڭ قولداۋىمەن «وتانداستار قورى» مەن «دۇنيەجۇزى قازاقتارى قاۋىمداستىعى» بىرلەسە وتىرىپ ۇيىمداستىرىلدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار