مەديتسينا • 15 قازان، 2021

مەديتسينا ماماندىعىنا گرانتتار سانى ۇلعايادى

130 رەت كورسەتىلدى

دەنساۋلىق ساقتاۋ سالاسىنداعى ماماندىقتارعا ءبىلىم بەرۋ گرانتتارىنىڭ سانى كوبەيەدى. بۇل تۋرالى وكق بريفينگىندە قر دەنساۋلىق ساقتاۋ ءمينيسترى الەكسەي تسوي مالىمدەدى، دەپ حابارلايدى Egemen.kz.

«حالىققا ساپالى قىزمەت كورسەتۋ كوبىنەسە بىلىكتىلىككە جانە قاجەتتى مامانداردىڭ بولۋىنا بايلانىستى، سوندىقتان ۇلتتىق جوبانىڭ ءبىرىنشى باعىتى شەڭبەرىندە تاپشى ماماندىقتار بويىنشا رەزيدەنتۋرانىڭ ءبىلىم بەرۋ گرانتتارىنىڭ سانى 3800-گە دەيىن، سونداي-اق الەمنىڭ جەتەكشى ورتالىقتارىندا قارقىندى تەراپيانىڭ حالىقارالىق ستاندارتتارى بويىنشا وقىتىلعان دارىگەرلەردىڭ سانى ۇلعايتىلاتىن بولادى»، دەدى الەكسەي تسوي.

دەنساۋلىق ساقتاۋ مينيسترلىگىنىڭ باسشىسى پاندەميا سانيتارلىق-ەپيدەميولوگيالىق قىزمەتتى جاڭعىرتۋ قاجەتتىگىن كورسەتكەنىن جانە مەملەكەت باسشىسىنىڭ 2021 جىلعى 1 قىركۇيەكتەگى قازاقستان حالقىنا جولداۋىن ىسكە اسىرۋ اياسىندا ۇلتتىق جوبانىڭ ەكىنشى باعىتىندا بيوقاۋىپسىزدىك سالاسىنداعى حالىقارالىق ستاندارتتارعا سايكەس كەلەتىن سانيتارلىق-ەپيدەميولوگيالىق ساراپتاما زەرتحانالارىنىڭ ۇلەسىن 61%-دان 90%-عا دەيىن ارتتىرۋ جوسپارلانعانىن اتاپ ءوتتى (سانەپيدساراپتاۋدىڭ كەمىندە 12 زەرتحاناسى جوعارى تەحنولوگيالىق جابدىقپەن جاراقتاندىرىلادى).

قر پارلامەنتىنىڭ ماجىلىسىنە ەنگىزىلگەن «بيولوگيالىق قاۋىپسىزدىك تۋرالى» قر زاڭى قابىلدانادى، سونداي-اق ۇلتتىق جانە جاھاندىق تاۋەكەلدەرگە بولجامداۋ مەن دەن قويۋدىڭ عىلىمي نەگىزدەلگەن جۇيەسىن ەنگىزۋ جوسپارلانۋدا.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار