الەم • 15 قازان، 2021

تۇركيا ازاماتتارى وتاندىق TURKOVAC ۆاكتسيناسىن سالدىرۋدا

51 رەت كورسەتىلدى

تۇركيانىڭ e-Nabız ۆەب-سايتىنا ەرىكتىلەردەن COVID-19 ۆيرۋسىنا قارسى وتاندىق TURKOVAC ۆاكتسيناسىنىڭ ءۇشىنشى دوزاسىن سالۋعا وتىنىمدەر تۇسە باستادى، دەپ حابارلايدى Egemen.kz.

وتىنىمدەر ەلدىڭ دەنساۋلىق ساقتاۋ ءمينيسترى فاحرەتتين قوجانىڭ كوروناۆيرۋسقا قارسى ۆاكتسينانىڭ ەكى كومپونەنتىن العان تۇركيا تۇرعىندارىن ەل عالىمدارى جاساپ شىعارعان TURKOVAC ۆاكتسيناسىنىڭ ءۇشىنشى دوزاسىن سالدىرتۋعا ۇندەگەن سوڭ تۇسە باستادى.

TURKOVAC ۆاكتسيناسىنىڭ بۋستەرلىك دوزاسىن سالدىرتۋعا ەرىكتىلەر بۇعان دەيىن ۆاكتسينانىڭ قوس دوزاسىن العان جانە COVID-19 ۆيرۋسىمەن اۋىرعان18-59 جاس ارالىعىنداعى ازاماتتار قاتارىنان تاڭدالادى. TURKOVAC ۆاكتسيناسىنىڭ ءۇشىنشى دوزاسىن سالدىرتۋعا نيەت بىلدىرگەن ازاماتتار enabiz.gov.tr ۆەب-سايتىنا كىرىپ، (ۆاكتسينالاردى زەرتتەۋدە ەرىكتى بولۋ) باتىرماسىن باسۋى ءتيىس. ۆاكتسينانى زەرتتەۋگە قاتىسۋ ءۇشىن بارلىق كريتەريلەرگە سايكەس بولعان كانديداتتار e-Nabız سايتىندا اقپاراتتاندىرىلادى.

TURKOVAC ۆاكتسيناسىنىڭ بۋستەرلىك دوزاسى 41 مەديتسينالىق ورتالىقتا، ەڭ الدىمەن قالالىق اۋرۋحانالاردا ەنگىزىلۋدە. ونى تۇركيانىڭ تۇكپىر-تۇكپىرىندەگى بارلىق تۇرعىندار سالدىرتا الادى.

TURKOVAC وتاندىق ۆاكتسينانىڭ سەريالىق ءوندىرىسىن ىسكە قوسۋ ءۇشىن وعان كەم دەگەندە 3 مىڭ ەرىكتى قاتىسۋى قاجەت.

سوڭعى جاڭالىقتار

ۇقساس جاڭالىقتار