«43 جاستاعى فرانتسۋز ساياساتكەرى جارتىلاي قورعاۋشى پوزيتسياسىندا ويناپ, پەنالتيدەن گول سوقتى», دەپ حابارلايدى قايىرىمدىلىق ءتۋرنيرىنىڭ ءباسپاسوز قىزمەتى.
ماكروننىڭ كومانداسى پۋاسسي اۋرۋحاناسىنىڭ قىزمەتكەرلەرىنە قارسى ويناپ, دارىگەرلەردى 6:1 ەسەبىمەن جەڭدى. ماتچ پاريج جانە فرانتسيا اۋرۋحانالارىنىڭ قورىنا قاراجات جيناۋ ماقساتىندا وتكىزىلدى.
قايىرىمدىلىق ماتچىنا فرانتسۋز فۋتبولىنىڭ بۇرىنعى جۇلدىزدارى قاتىستى. ولاردىڭ قاتارىندا مارسەل دەساي, روبەرتو پيرەس, الەن جيرەسس, كريستيان كارامبە, رۋدي گارسيا, سيدنەي گوۆۋ, مەتيۋ بودمەر, سونداي-اق «ارسەنالدىڭ» بۇرىنعى باپكەرى ارسەن ۆەنگەر بار.
