– پاتۋرلدىك پوليتسيا قىزمەتكەرلەرى سونداي جۇرگىزۋشىنىڭ ءبىرىن 25 قىركۇيەكتە ساعات 04:10 شاماسىندا اتىراۋ قالاسىنداعى ا.ۆلاديميرسكي كوشەسىندە توقتاتتى. Cadillac Escalade ماركالى كولىگىن تەكسەرۋ كەزىندە رولدە وتىرعان 1983 جىلعى جۇرگىزۋشىدەن ىشىمدىكتىڭ ءيىسى بايقالعان. مەديتسينالىق ساراپتامانىڭ كورىتىندىسىمەن ونىڭ جەڭىل دارەجەدە ماس ەكەنى انىقتالدى. وعان قاتىستى اكىمشىلىك قۇقىقبۇزۋشىلىق تۋرالى كودەكسىنىڭ 608-بابىنىڭ 1-بولىگىمەن (جۇرگىزۋشىنىڭ كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى, سول سياقتى كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارعانى ءۇشىن) اكىمشىلىك حاتتاما تولتىرىلدى, – دەپ حابارلادى دەپارتامەنتتىڭ ءباسپاسوز قىزمەتى.
وسىنداي تاعى ءبىر دەرەككە جۇگىنسەك, 8 قازاندا ساعات 02:30 شاماسىندا جەدەل باسقارۋ ورتالىعىنىڭ بەينەباقىلاۋ قىزمەتكەرلەرى اتىراۋ قالاسىنداعى ا.ۆلاديميرسكي كوشەسىندە كۇدىك تۋدىرعان Toyota RAV4 ماركالى اۆتوكولىگىن بايقاعان. پاترۋلدىك پوليتسيا قىزمەتكەرلەرى اتالعان كولىكتى توقتاتىپ, تەكسەرۋ جۇرگىزگەندە رولدەگى 1981 جىلعى جۇرگىزۋشىدەن ىشىمدىكتىڭ ءيىسى شىققان. مەديتسينالىق ساراپتامانىڭ قورىتىندىسىمەن 40 جاستاعى ايەلدىڭ جەڭىل دارەجەدەگى ماس ەكەنى انىقتالىپ وتىر. ماس جۇرگىزۋشىگە قاتىستى اكىمشىلىك قۇقىقبۇزۋشىلىق تۋرالى كودەكسىنىڭ 608-بابىنىڭ 1-بولىگىمەن اكىمشىلىك حاتتاما تولتىرىلدى. سوت شەشىمىمەن رۋلگە ماس كۇيدە وتىرعان ايەل 7 جىلعا كولىك قۇرالىن باسقارۋ قۇقىعىنان ايىرىلىپ, 15 كۇنگە اكىمشىلىك قاماۋعا الىندى.
ال وبلىستىق سوتتىڭ ءباسپاسوز قىزمەتى ۇسىنعان مالىمەتكە سۇيەنسەك, بيىلعى توعىز ايدا قىلمىستىق كودەكسىنىڭ 346-بابىمەن (كولىك قۇرالدارىن باسقارۋ قۇقىعىنان ايىرىلعان جانە الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ كولىك قۇرالىن باسقارۋى, سول سياقتى كولىك قۇرالىن باسقارۋدى وسىنداي ادامعا بەرۋ نەمەسە كولىك قۇرالىن وسىنداي ادامنىڭ باسقارۋىنا جول بەرۋ) 38 جۇرگىزۋشىنىڭ ءىسى سوتتا قارالدى.
– ونىڭ ىشىندە 30 ادام باس بوستاندىعىنان ايىرىلىپ, 8 ادام باس بوستاندىعىنان شەكتەۋ جازاسىنا سوتتالدى. سونداي-اق اكىمشىلىك قۇقىقبۇزۋشىلىق تۋرالى كودەكسىنىڭ 608-بابىنا سايكەس 675 ادامعا قاتىستى اكىمشىلىك قۇقىق بۇزۋشىلىق تۋرالى ىستەر قارالعان. ونىڭ ىشىندە 672 ادامعا اكىمشىلىك جازا قولدانىلىپ, 3 ادامعا قاتىستى اكىمشىلىك ءىس جۇرگىزۋ توقتاتىلعان. ال 630 ادام قاماققا الىندى. ونىڭ ىشىندە 518 ادامعا قوسىمشا جازا رەتىندە ارنايى قۇقىعىنان ايىرۋ شاراسى قولدانىلدى. بۇعان قوسا 39 جۇرگىزۋشى ارنايى قۇقىعىنان ايىرىلىپ, 3 ادامعا ايىپپۇل سالىندى, – دەپ ءمالىم ەتتى وبلىستىق سوتتىڭ ءباسپاسوز قىزمەتى.
