مەملەكەت باسشىسىنا وبلىستاعى ەپيدەميولوگيالىق احۋال تۋرالى مالىمەت بەرىلدى. جالپى كوروناۆيرۋس ىندەتى باستالعالى بەرى وڭىردە 14 645 ادام ىندەت جۇقتىرعان. بۇل – وبلىس تۇرعىندارىنىڭ 1,6 پايىزى. قازىر ايماقتاعى ازاماتتاردىڭ 97,8 پايىزى ۆاكتسينانىڭ ءبىرىنشى كومپونەنتىن العان.
سونداي-اق ومىرزاق شوكەەۆ تۇركىستان قالاسىن تازا سۋمەن قامتاماسىز ەتۋ جۇمىستارى بويىنشا ەسەپ بەردى. وبلىس ورتالىعىنىڭ ماڭىنداعى 4 قاينار اۋىزسۋ قورىن ارتىعىمەن قامتاماسىز ەتۋگە مۇمكىندىك بەرگەن. پرەزيدەنتكە قازىرگى ۋاقىتتا وڭىردەگى اعىن سۋ تاپشىلىعى ماسەلەسىن شەشۋگە باعىتتالعان جۇمىستار تۋرالى باياندالدى.
قاسىم-جومارت توقاەۆ تۇركىستان وبلىسىندا اتقارىلىپ جاتقان جۇمىستارعا وڭ باعا بەردى.
مەملەكەت باسشىسى سۋمەن قامتاماسىز ەتۋ جۇمىستارىن جانە ايماقتاعى وزگە دە قولعا الىنعان جوبالاردى كەزەڭ-كەزەڭىمەن, ۋاقتىلى جۇرگىزىپ, تياناقتى اياقتاۋدى تاپسىردى.
