«سۋ رەسۋرستارىن باسقارۋ جونىندەگى جەكە مەملەكەتتىك ورگاندى قۇرۋ ماسەلەسىنە قاتىستى قازاقستان رەسپۋبليكاسى پرەزيدەنتىنىڭ 2019 جىلعى 17 ماۋسىمداعى جارلىعىمەن قازاقستان رەسپۋبليكاسىنىڭ جاڭا ەكولوگيا, گەولوگيا جانە تابيعي رەسۋرستار مينيسترلىگى قۇرىلدى, وندا جەراستى سۋلارى مەن سۋدىڭ ساپاسىن قوسا العاندا, سۋ قورىن پايدالانۋ جانە قورعاۋ ساياساتىن قالىپتاستىرۋ جانە ىسكە اسىرۋ, گيدرولوگيالىق جانە گيدروحيميالىق اقپاراتتى جيناۋ, وڭدەۋ جانە تالداۋ سياقتى ماڭىزدى فۋنكتسيالار شوعىرلانعان», دەپ جازدى اسقار مامين دەپۋتاتتىق ساۋالعا بەرگەن جاۋابىندا.
ونىڭ ايتۋىنشا, اتالعان مەملەكەتتىك ورگانعا سۋ رەسۋرستارىن ءتيىمدى باسقارۋ جونىندەگى مىندەتتەردى تولىق كولەمدە ىسكە اسىرۋعا مۇمكىندىك بەرەتىن قاجەتتى قۇزىرەتتەر مەن وكىلەتتىكتەر بەرىلگەن.
«وسىعان بايلانىستى سۋ رەسۋرستارىن باسقارۋ جونىندەگى جەكە مەملەكەتتىك ورگان قۇرۋ ماسەلەسى قازىرگى ۋاقىتتا قارالمايدى», دەپ اتاپ ءوتتى پرەمەر-مينيستر.
