ANTIKOR • 13 قازان، 2021

بيۋدجەت قارجىسىن جىمقىرعان ەكس-شەنەۋنىككە ۇكىم شىعارىلدى

1184 رەت كورسەتىلدى

اتىراۋ قالاسىنىڭ №2 سوتىندا ءبىلىم باسقارماسى باسشىسىنىڭ بۇرىنعى ورىنباسارى تولعاناي قولباەۆاعا قاتىستى ۇكىم شىعارىلدى. وعان بيۋدجەت قاراجاتىن جىمقىردى دەگەن ايىپ تاعىلدى، دەپ حابارلايدى Egemen.kz.

بۇل تۋرالى «موي گورود» پورتالى مالىمدەدى.

ول 2015-2020 جىلدار ارالىعىندا ءوزىنىڭ قىزمەتتىك جاعدايىن پايدالانىپ، جولداسى قولباەۆامەن بىرگە بيۋدجەتتەن بولىنگەن 111 ملن تەڭگەنى يەمدەنگەن.

«بۇل اقشانىڭ 54 ملن تەڭگەسىن قولباەۆا يەمدەنسە، قالعان بولىگىن ونىڭ سەرىكتەسى العان. ولار قاراجاتتى جالاقىنى زاڭسىز ەسەپتەۋ ارقىلى العان. كولباەۆا اقشانى ءوزىنىڭ بانك كارتاسىنا، سونداي-اق اناسىنىڭ كارتاسىنا اۋدارعان»، دەلىنگەن ءىس ماتەريالىندا.

سوت تەرگەۋى بارىسىندا ايەل ادام ءوز كىناسىن مويىنداپ، وكىنگەن. ال يەمدەنگەن قاراجاتتى تولىعىمەن قايتاردى. ۇكىم شىعارۋ كەزىندە سوت ونىڭ كامەلەتكە تولماعان بالالارى بار ەكەنىن دە ەسكەردى.

ەكس-شەنەۋنىك كىنالى دەپ تانىلىپ، جەتى جىلعا باس بوستاندىعىنان ايىرىلدى. جازاسىن ورتاشا قاۋىپسىز قىلمىستىق-تۇزەتۋ جۇيەسى مەكەمەسىندە وتەيدى. سونىمەن قاتار وعان ءومىر بويى مەملەكەتتىك قىزمەتتە جۇمىس ىستەۋگە تىيىم سالىندى. دەگەنمەن تولعاناي قولباەۆانىڭ جاس بالالارى بولۋىنا بايلانىستى سوت جازانى بەس جىلعا كەيىنگە قالدىرۋ تۋرالى شەشىم قابىلدادى.

ۇكىم زاڭدى كۇشىنە ەنگەن جوق جانە وعان شاعىم جاسالۋى مۇمكىن.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار