احپاروۆ نۇرلان نۇركين ۇلى 40 جىلدان استام مەديتسينا سالاسىندا ەڭبەك ەتتى. 28 جىلدان استام ۋاقىت پەدياتريا جانە بالالار حيرۋرگياسى عىلىمي ورتالىعىندا جۇمىس ىستەگەن. وسى جىلدار ىشىندە ول 10 000-نان استام وپەراتسيا جاسادى, كوپتەگەن بالالارعا ەكىنشى ءومىر سىيلادى.
احپاروۆ نۇرلان العاش رەت قازاقستان رەسپۋبليكاسىندا 21 وپەراتسيا ءتۇرىن ەنگىزدى.
نۇرلان نۇركين ۇلىنىڭ 300-گە جۋىق عىلىمي ەڭبەكتەرى بار. ماقالالارى حالىقارالىق رەتسەنزيالانعان جۋرنالداردا جاريالانعان. ء ۇش مونوگرافيانىڭ اۆتورى.
ونىڭ جەتەكشىلىگىمەن ءبىر دوكتورلىق جانە ەكى كانديداتتىق ديسسەرتاتسيا قورعالدى. ول ءتۇرلى عىلىمي فورۋمدارعا قاتىستى (رەسەي, گەرمانيا, تۇركيا, اقش, يتاليا, فرانتسيا).
2007 جىلدان باستاپ اقش-تاعى Cincinnati Children’s Hospital Medical ورتالىعىنىڭ قۇرمەتتى پروفەسسورى, 2007 جىلى ەۋروپالىق جاراتىلىستانۋ عىلىمدارى اكادەمياسىنىڭ مۇشەسى بولدى.
2016 جىلى عىلىمعا قوسقان ۇلەسى ءۇشىن روبەرت كوح مەدالىمەن, 2017 جىلى الەكساندر III وردەنىمەن ماراپاتتالدى.
