پوليتسيا, توتەنشە جاعدايلار, ۇلتتىق قاۋىپسىزدىك دەپارتامەنتتەرىنىڭ قىزمەتكەرلەرى, «وڭتۇستىك» وڭىرلىك قولباسشىلىعىنىڭ, قر ۇلتتىق ۇلانىنىڭ اسكەري قىزمەتشىلەرى قاتىسقان وقۋ-جاتتىعۋ بارىسىندا توتەنشە وقيعالار تۋىنداعان جاعدايدا ءتيىستى ورگانداردىڭ ءىس-قيمىلدارىنىڭ ءوزارا ۇيلەسىمدى ارەكەتتەرى پىسىقتالدى.
شاراعا بارلىعى 2088 قىزمەتكەر, 70 بىرلىك تەحنيكا جۇمىلدىرىلدى.
وقۋ-جاتتىعۋ مەملەكەتتىك ورگانداردىڭ ءوزارا ارەكەتىن جەتىلدىرۋ, توتەنشە جاعدايلار كەزىندەگى قاۋىپ-قاتەرلەرگە جەدەل شتابتىڭ كۇشى مەن دايىندىعىن ارتتىرۋ, ءىس-قيمىل الگوريتمىن پىسىقتاۋ, بارلىق مەملەكەتتىك ورگانداردىڭ توتەنشە جاعدايلاردىڭ الدىن الۋ بويىنشا جوسپاردى ورىنداۋ ماقساتىنا نەگىزدەلدى.
بارلىق ورگانداردىڭ ۇيلەسىمدى ءىس-ارەكەتتەرىنىڭ ناتيجەسىندە وقۋ-جاتتىعۋلاردا كوزدەلگەن مىندەتتەر تولىعىمەن ورىندالدى.
ءوڭىر باسشىسى بەلسەندى قاتىسقان بارلىق قىزمەتكەرلەرگە العىس ايتىپ, وقۋ-جاتتىعۋدىڭ قورىتىندىسىن جوعارى باعالادى.
