قازاقستان • 09 قازان، 2021

سەنات جانىنداعى «جاس ساراپشىلار» كلۋبى مينيسترلىك قىزمەتىمەن تانىستى

108 رەت كورسەتىلدى

«رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ الاڭىندا ۆيتسە-مينيستر بولات تلەپوۆ قر پارلامەنتى سەناتى جانىنداعى «جاس ساراپشىلار» كلۋبىنىڭ مۇشەلەرىمەن كەزدەستى، دەپ حابارلايدى Egemen.kz اقدم ءباسپاسوز قىزمەتىنە سىلتەمە جاساپ.

ەستەرىڭىزگە سالا كەتەيىك، قىركۇيەك ايىندا قر پارلامەنتى سەناتى جانىنداعى «جاس ساراپشىلار» كلۋبىنىڭ التىنشى وتىرىسىنا قر اقپارات جانە قوعامدىق دامۋ ءمينيسترى ايدا بالاەۆا قاتىسقان بولاتىن. سول كەزدە كەزدەسۋ بارىسىندا قاتىسۋشىلار ازاماتتىق قوعامدى دامىتۋ ماسەلەلەرىن، قازاقستانداعى مەدياسفەرانىڭ جاي-كۇيى مەن پەرسپەكتيۆالارىن تالقىلادى.

بۇگىنگى كەزدەسۋ بارىسىندا كلۋب مۇشەلەرى مينيسترلىكتىڭ قىزمەتىمەن جانە دە ۋاكىلەتتى جەتەكشىلىك ەتەتىن باعىتتارمەن تانىسۋدى جالعاستىردى. 

ا

«بۇگىنگى تاڭدا عىلىمي-ساراپتامالىق قاۋىمداستىق ماڭىزدى شەشىمدەردى ازىرلەۋگە اسەر ەتەتىن قوعامدىق-ساياسي پروتسەستىڭ بەلسەندى قاتىسۋشىسىنا اينالىپ وتىر. زاڭ جوبالارى مەن مەملەكەتتىك باعدارلامالاردى ازىرلەۋ بارىسىندا ءبىز ارقاشان ساراپشىلاردىڭ پىكىرىنە سۇيەنەمىز. سوندىقتان ءبىز يدەولوگيالىق جۇمىستى ۇيلەستىرەتىن مەملەكەتتىك ورگان رەتىندە ەلىمىزدەگى ساراپشىلار قاۋىمداستىعىن دامىتۋعا جانە قولداۋعا مۇددەلىمىز»،  دەدى ۆيتسە-مينيستر ب.تلەپوۆ. 

مينيسترلىك تاراپىنان ۆەدومستۆونىڭ قۇرىلىمدىق بولىمشەلەرىنىڭ وكىلدەرى قاتىسىپ، جۇرگىزىلىپ جاتقان جۇمىستار تۋرالى ايتىپ بەردى.

مەملەكەتتىك ورگانداردىڭ اشىقتىعىن قامتاماسىز ەتۋ شارالارى تۋرالى مينيسترلىكتىڭ مەملەكەت جانە قوعام كوممۋنيكاتسيالارىن دامىتۋ دەپارتامەنتىنىڭ ديرەكتورى بەكزات راحيموۆ باياندادى. ال ازاماتتىق قوعام ىستەرى كوميتەتى توراعاسىنىڭ ورىنباسارى نۇربول سەرىكبەكوۆ ۇكىمەتتىك ەمەس ۇيىمدارمەن ءوزارا ءىس-قيمىل جونىندەگى شارالار، ازاماتتىق قوعامدى دامىتۋ تۇجىرىمداماسىن ىسكە اسىرۋ، سونداي-اق وسى سالاداعى زاڭنامالىق جۇمىستار تۋرالى ايتىپ بەردى.

«رۋحاني جاڭعىرۋ» باعدارلاماسىنىڭ جوبالارى مەن باعىتتارىن جۇزەگە اسىرۋ تۋرالى وزەكتى اقپاراتپەن ققدي باسقارما توراعاسىنىڭ ورىنباسارى اسەم قايداروۆا ءبولىستى. 

ءوز كەزەگىندە قر پارلامەنتى سەناتى توراعاسىنىڭ كەڭەسشىسى جانار تۋليندينوۆا:

«جاس ساراپشىلار» كلۋبى دا «حالىق ۇنىنە قۇلاق اساتىن مەملەكەت» تۇجىرىمداماسىنىڭ ءبىر بولىگى بولىپ تابىلادى. ونىڭ ماقساتى – زاڭنامالىق نورمالاردى جەتىلدىرۋ جانە دە جالپى قوعامدى ودان ءارى جاڭعىرتۋ ءۇشىن جاس ساراپشىلاردى تارتۋ. قازىرگى ۋاقىتتا ءبىز الەۋەتى وتە ۇلكەن جاس ساراپشىلاردى ءوز قاتارىمىزعا شاقىرۋدامىز»،  دەدى. 

عىلىمي-ساراپتامالىق قاۋىمداستىق ماڭىزدى شەشىمدەردى ازىرلەۋگە اسەر ەتەتىن قوعامدىق-ساياسي پروتسەستىڭ بەلسەندى قاتىسۋشىسى بولدى دەۋگە نەگىز بار.

ءىس-شارا بارىسىندا سىندارلى ديالوگ جانە پىكىر الماسۋ بولدى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار