ءورت جەكە تۇرعىن ءۇيدىڭ اۋلاسىندا ويناپ وتىرعان بالالاردىڭ اڭعالدىعىنان تۇتانعان. زارداپ شەككەندەر جوق.
قالالىق توتەنشە جاعدايلار دەپارتامەنتىنىڭ مالىمەتىنشە, اتا-انا نازارىنان تىس قالعان ەكى بالا جەكە تۇرعىن ءۇيدىڭ اۋلاسىندا ويناپ وتىرعان. ءبىراز ۋاقىتتان كەيىن ءۇيدىڭ تەرەزەسىنەن بالالاردىڭ اكەسى ءتۇتىندى كورگەن. وتقا ورانعان مونشانى ءوز كۇشىمەن سوندىرە الماعان سوڭ ول 101 قىزمەتىنە حابارلاسقان.
ارادا ءبىرشاما ۋاقىت وتكەندە قۇتقارۋشىلار كەلىپ, ءورتتى سوندىرگەن. ءورتتىڭ سالدارىنان مونشانىڭ شاتىرى مەن وعان جاپسارلاس قۇرىلىس نىساندارى ورتەنگەن. توتەنشە جاعدايلار دەپارتامەنتى ءورت بالالاردىڭ اڭعالدىعىنان شىققانىن ايتادى. وسىعان بايلانىستى دەپارتامەنت اتا-انالارعا بالالاردى نازاردان تىس قالدىرماۋ كەرەكتىگىن ەسكەرتەدى.
