اتاپ ايتقاندا, «باتىس ەۋروپا - باتىس قىتاي» جانە «مەريديان» حالىقارالىق كولىك باعىتتارىن دامىتۋ ماسەلەسى كوتەرىلدى. قوس ەل مينيسترلىكتەرىنىڭ وكىلدەرى پەرسپەكتيۆالى جول ترافيگىنىڭ بولجامىن جانە دالىزدەردە كولىكتىك جانە ترانزيتتىك اعىنداردىڭ ءبولىنۋىن تالقىلادى.
بۇدان بولەك, كەزدەسۋ اياسىندا 2021-2025 جىلدارعا ارنالعان قازاقستان-رەسەي مەملەكەتتىك شەكاراسى ارقىلى اۆتوموبيل وتكىزۋ پۋنكتتەرىن دامىتۋ ماسەلەسى قارالدى. 9 بەكەتتى مودەرنيزاتسيالاۋ جوسپارلانۋدا: سىرىم - ماشتاكوۆو, تاسقالا - وزينكي, الىمبەت - ورسك, ۇرلىتوبە - ولحوۆكا, جاڭاجول - پەتۋحوۆو, قوساق - پاۆلوۆكا, قۇرمانعازى - قاراوزەك, اقساي – ىلەك, قايراق – بۋگريستوە.
سونداي-اق, رەسەي فەدەراتسياسى مەن قازاقستان رەسپۋبليكاسىنىڭ اۋماعىنا شىعاتىن «باتىس ەۋروپا - باتىس قىتاي», «ومبى – پاۆلودار – قالباتاۋ - مايقاپشاعاي», «تالدىقورعان - وسكەمەن-شەمونايحا (بارناۋىلعا)», «الماتى – قاراعاندى – نۇر - سۇلتان-پەتروپاۆل – قورعان (رف)», «نۇر-سۇلتان-قوستاناي – چەليابينسك», «اتىراۋ - ورال - وزينكي (رف)», «اقتوبە - ورال - سامارا (رف)» جانە «اقتوبە - اتىراۋ - استراحان (رف)» حالىقارالىق كولىك باعىتتارىن دامىتۋ بويىنشا ءوزارا ءىس-قيمىل جانە ىنتىماقتاستىق تۋرالى كەلىسسوزدەر ءوتتى)»).
بۇدان باسقا, نۇر-سۇلتان, الماتى, شىمكەنت قالالارى اكىمدىكتەرىنىڭ, سونداي-اق كولىك حولدينگى وكىلدەرىنىڭ قاتىسۋىمەن قازاقستاندىق دەلەگاتسيانىڭ ساپارى اياسىندا جول قوزعالىسىن ۇيىمداستىرۋدىڭ جەرگىلىكتى ورتالىعى تانىستىرىلدى. كەزدەسۋ قورىتىندىسى بويىنشا تاراپتار تاسىمالداۋدى ۇيىمداستىرۋ تاجىريبەسىمەن الماسىپ, كولىكتە تسيفرلىق تەحنولوگيالاردى ەنگىزۋدىڭ وڭ اسپەكتىلەرىن اتاپ ءوتتى جانە وسى باعىتتا ودان ءارى ءوزارا ءىس-قيمىل جاساۋعا دايىندىعىن ءبىلدىردى.
