قازاقستان مەن يسپانيا – حالىقارالىق ارەنادا بۇرىننان ءتيىمدى جۇمىس ىستەيتىن سىرتقى ساۋدا جانە ەكونوميكالىق سەرىكتەستەر. تەك وتكەن جىلدىڭ وزىندە ەلدەر اراسىنداعى تاۋار اينالىمى $1,4 ملرد قۇرادى (ەكسپورت – 1,21 ملرد, يمپورت – 187,7 ملن).
بانك دەلەگاتسياسى يسپان-قازاقستاندىق ەكونوميكالىق ىنتىماقتاستىعىنىڭ رەسمي قارجى قۇرالدارى مەن پەرسپەكتيۆالارىنا ارنالعان پانەلدىك سەسسياعا قاتىستى.
«قدب ميسسياسى مەتاللۋرگيا, كولىك جانە لوگيستيكا, حيميا جانە مۇناي-حيميا ونەركاسىبى, ەنەرگيا ءوندىرۋ جانە بەرۋ, قۇرىلىس جانە وڭدەۋ ونەركاسىبىنىڭ باسقا دا سالالارى سياقتى ەلدىڭ شيكىزاتتىق ەمەس سەكتورىن قارجىلاندىرۋ ارقىلى ۇلتتىق ەكونوميكانىڭ ورنىقتى دامۋىنا جاردەمدەسۋ بولىپ تابىلادى», دەدى قدب باسقارما توراعاسىنىڭ ورىنباسارى دۋمان اۋباكىروۆ.
سونداي-اق ىسكەرلىك كەڭەس وتىرىسى اياسىندا دامۋ بانكى مەملەكەتتىك مەكەمەلەر - سىرتقى ساۋدا ينستيتۋتى (ICEX), رەسمي كرەديت بەرۋ ينستيتۋتى (Instituto de Crédito Oficial, ICO), ۇلتتىق يننوۆاتسيالىق كومپانيا (Empresa Nacional de Innovación, ENISA), سونداي-اق بىرقاتار ءىرى يسپان بانكتەرى (Santander, BBVA, Sabadell جانە Popular) مۇشەلەرى بولىپ تابىلاتىن اكتسيونەرلىك قوعام رەتىندە جەكە-مەملەكەتتىك ارىپتەستىكتىڭ ۇلگىسىن بىلدىرەتىن يسپاندىق دامۋدى قارجىلاندىرۋ كومپانياسى – COFIDES-پەن ىنتىماقتاستىق تۋرالى مەموراندۋمعا قول قويدى.
«بۇگىنگى تاڭدا قازاقستاندا «COFIDES» تاراپىنان ينۆەستيتسيالىق جوبالاردى قارجىلاندىرۋ ءۇشىن قىزىعۋشىلىق تۋدىراتىن نەعۇرلىم پەرسپەكتيۆالى سەكتورلار فارماتسەۆتيكا جانە اگروونەركاسىپ بولىپ تابىلادى. بۇل سالالاردى ءبىز پاندەميادان كەيىنگى كەزەڭ مەن وڭىرلىك حابتار قۇرۋ ماقساتىندا قازاقستاننىڭ گەوستراتەگيالىق جاعدايىن ەسكەرە وتىرىپ ىرىكتەپ الدىق», دەپ اتاپ ءوتتى COFIDES وكىلدەرى.
كەزدەسۋ قورىتىندىسى بويىنشا قدب دەلەگاتسياسىنىڭ باسشىسى دۋمان اۋباكىروۆ پەن CESCE ەكسپورتتىق-كرەديتتىك اگەنتتىگى باسقارماسىنىڭ توراعاسى فەرناندو سالازار پالما قدب كليەنتتەرىنىڭ, سونداي-اق يسپاندىق ەكسپورتتاۋشىلاردىڭ ءوزارا پايداسىنا مامىلەلەر جاساۋدى ىنتالاندىرۋ جانە جۇزەگە اسىرۋعا جاردەمدەسۋ جانە ەكسپورتتىق قارجىلاندىرۋ سالاسىنداعى ىنتىماقتاستىقتى نىعايتۋ ماقساتىندا ىنتىماقتاستىق تۋرالى مەموراندۋمعا قول قويدى. وسىلايشا, تاراپتار بولاشاقتا ءوزارا ءتيىمدى سەرىكتەستىك ءۇشىن بەرىك نەگىز قۇرۋعا نيەتتى.
«CESCE قازاقستانعا يسپان تاۋارلارى مەن قىزمەتتەرىنىڭ ەكسپورتىن قارجىلاندىرۋدى قولداۋعا نيەتتى. ۇسىنىلىپ وتىرعان جوبالاردى قدب جانە CESCE قابىلدانعان كريتەريلەر مەن ەرەجەلەرگە سايكەس باعالايتىن بولادى جانە CESCE قابىلدانعان قاعيدالار مەن راسىمدەرگە سايكەس ءاربىر جەكە كرەديت بويىنشا ورنىن تولتىرۋدى جەكە نەگىزدە ۇسىنا الادى», دەپ ءبولىستى CESCE وكىلدەرى.
