«قازاقستان تەمىر جولى» ۇك» اق ءباسپاسوز قىزمەتىنىڭ مالىمەتىنشە, 6 قازان كۇنى, ساعات 07:50-دە الماتى-1 – الماتى-2 تەمىرجول ارالىعىندا تەمىرجولعا جاقىن ورنالاسقان نىسانداردى ەلەكترمەن قامتاماسىز ەتۋگە ارنالعان ەلەكتر سىمدارىنا اعاش بۇتاعى قۇلاعان.
«الماتى ەلەكترمەن جابدىقتاۋ ديستانتسياسىنىڭ قىزمەتكەرلەرى وقيعا ورنىن جەدەل تۇردە توكتان اجىراتىلىپ, سىمداردان اعاش بۇتاعىن الىپ تاستادى. كەيىن ەلەكتر ەنەرگياسى قايتا بەرىلدى. اتالعان ماسەلەگە بايلانىستى پويىزداردىڭ كەشىگۋى جانە ەشقانداي زارداپتار بولعان جوق», دەپ جاۋاپ بەردى قتج ءباسپاسوز قىزمەتى.
