قوعام • 06 قازان، 2021

قازاقستاندا ۆاكتسينا سالۋ توقتاتىلعانى راس پا؟

73 رەت كورسەتىلدى

الەۋمەتتىك جەلىلەردە الماتىداعى گومەوپات دارىگەردىڭ قر دەنساۋلىق ساقتاۋ ءمينيسترى الەكسەي تسويمەن كەزدەسۋى جوسپارلانعانى تۋرالى حابارلاما تاراتىلدى. حابارلامادا دارىگەر COVID-19 قارسى ۆاكتسينا العان ەر ادامداردى تەكسەرىپ، ولاردىڭ ءبارى ۇرىقسىز ەكەنىن انىقتاعان دەگەن جالعان اقپارات بار، دەپ حابارلايدى Egemen.kz StopFake.kz سايتىنا سىلتەمە جاساپ.

دەنساۋلىق ساقتاۋ مينيسترلىگىنىڭ ءباسپاسوز قىزمەتى بۇل اقپاراتتى جوققا شىعاردى.

«قر دەنساۋلىق ساقتاۋ ءمينيسترىنىڭ دارىگەر يرينا پروكۋشەۆامەن كەزدەسۋى تۋرالى اقپارات شىندىققا جاناسپايدى. قازىرگى ۋاقىتتا ۆاكتسيناتسيانى توقتاتۋ جانە Ashyk جۇيەسىن الىپ تاستاۋ ماسەلەلەرى قارالىپ جاتقان جوق»، دەپ حابارلادى ۆەدومستۆودان.

الماتىلىق دارىگەر-گومەوپات COVID-19-عا قارسى ۆاكتسينالار مەن ەرلەردىڭ بەلسىزدىگى اراسىنداعى بايلانىستى انىقتادى دەگەن تۇجىرىم دا كۇمان تۋدىرادى. الەمنىڭ جەتەكشى عالىمدارىنىڭ پىكىرىنشە، مرنق پلاتفورماسىنداعى ۆاكتسينالار دا، باسقا يممۋنداۋ پرەپاراتتارى دا ادامداردىڭ رەپرودۋكتيۆتى جۇيەسىنە تەرىس اسەر ەتپەيدى. 
 
دەمەك، الەۋمەتتىك جەلىلەردە جاريالانعان اقپارات فەيك. الەكسەي تسوي يرينا پروكۋشەۆامەن كەزدەسپەيدى، بۇگىنگى كۇنى كۆي قارسى ۆاكتسيناتسيا مەن كارانتيندىك شارالاردى توقتاتۋ ماسەلەلەرى قاراستىرىلىپ جاتقان جوق. عالىمداردىڭ زەرتتەۋلەرى COVID-19 قارسى ۆاكتسيناتسيانىڭ ەرلەر بەلسىزدىگىمەن بايلانىسىن جوققا شىعارادى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار