بيىلعى ازاماتتىق فورۋم «ىلگەرى جىلجۋ: COVID-19-دان سوڭ تۇراقتى قالپىنا كەلتىرۋ» ۇرانىمەن ءوتىپ جاتىر.
فورۋمعا ادام قۇقىقتارى جونىندەگى ەۋروپالىق وداقتىڭ ارناۋلى وكىلى يمون گيلمور مەن ورتالىق ازيا بويىنشا وكىلى تەري حاكالا, قر پرەزيدەنتىنىڭ حالىقارالىق ىنتىماقتاستىق جونىندەگى ارناۋلى وكىلى ەرجان قازىحان, قازاقستان پارلامەنتىنىڭ دەپۋتاتتارى, سونىمەن بىرگە ورتالىق ازيا وڭىرىنەن كەلگەن ۇكىمەتتىك ەمەس ۇيىم وكىلدەرى مەن ساراپشىلار قاتىسىپ جاتىر.
«بۇل - وتە ماڭىزدى شارا. كۇن تارتىبىندە بۇگىنگى كۇننىڭ وزەكتى ماسەلەلەرى قارالادى. ەۋروپالىق وداققا ەرەكشە ريزاشىلىعىمىزدى بىلدىرەمىز. قازاقستان مەن ەۋروپالىق وداق اراسىنداعى ىڭتىماقتاستىق دەڭگەيى ارتىپ كەلەدى.
ونىڭ ىشىندە جاھاندىق جانە اۋماقتىق ماسەلەلەر تالقىلانىپ, كوپ جانە ەكىجاقتى جۇمىس جالعاسۋدا», دەدى فورۋمدى اشقان قر پرەزيدەنتىنىڭ حالىقارالىق ىنتىماقتاستىق جونىندەگى ارناۋلى وكىلى ەرجان قازىحان. جالپى, شاراعا 300 ادام قاتىسىپ جاتىر.
