«1 قازاندا قوستاناي قالاسىنىڭ وڭتۇستىك ءبولىمىنىڭ 102 پۋلتىنە 66 جاستاعى ايەلدەن ارىز ءتۇستى, ول ءوزىنىڭ 45 جاستاعى ۇلىنىڭ وتباسىمەن تۇراتىن ساياجايدان شىققان كۇيى قايتا ورالماعاندىعىن ايتتى. بۇل فاكتى بويىنشا پوليتسيا جەدەل-ىزدەستىرۋ شارالارىن باستادى», دەيدى قوستاناي وبلىسى پد ءباسپاسوز قىزمەتى.
دەپارتامەنتتەگىلەر وسى جايتقا قاتىستى ءوز كىناسىن مويىنداعان 34 جاستاعى قوستاناي قالاسىنىڭ تۇرعىنى انىقتالعانىن ناقتىلادى.
«ول جابىرلەنۋشىنىڭ دەنەسىن جاسىرعان جەردى كورسەتتى. وقيعا ورنىن قاراۋ كەزىندە مارقۇمنىڭ دەنەسى توبىل وزەنىنىڭ جاعاسىنان تابىلدى», دەيدى قوستاناي وبلىستىق پد ءباسپاسوز قىزمەتى.
الدىن الا بولجام بويىنشا, قىلمىسقا ادامدار اراسىنداعى ءوزارا كيكىلجىڭ سەبەپ بولعان.
«جابىرلەنۋشى العان دەنە جاراقاتتارىنان كوز جۇمعان, كۇدىكتى دالەلدى جاسىرۋ ماقساتىندا مايىتتەن قۇتىلۋدى ءجون كورگەن. قازىرگى ۋاقىتتا ول قاماۋعا الىندى, قاجەتتى تەرگەۋ امالدارى جۇرگىزىلۋدە», دەلىنگەن قوستاناي وبلىستىق پد ءباسپاسوز قىزمەتىنىڭ حابارلاماسىندا.
