قر اقپارات جانە قوعامدىق دامۋ ءمينيسترى قازاق راديوسىنىڭ 100 جىلدىعىنا ارنالعان سالتاناتتى شارادا تاۋەلسىزدىكپەن بىرگە ەلىمىزدىڭ اقپارات سالاسى دا ۇلكەن وزگەرىستەردەن ءوتىپ, جاڭا دەڭگەيگە كوتەرىلگەنىن, سونىڭ ىشىندە, وتاندىق راديو ءوزىنىڭ باعىتىن ايقىنداپ, ناقتى دامۋ جولىنا تۇسكەنىن اتاپ ءوتتى.
«قازاق راديوسى بۇگىندە ەلىمىزدىڭ 90% اۋماعىنا ەركىن تارالادى. دەگەنمەن, بۇعان دەيىن ەلىمىزدىڭ شەكارالىق الىس ايماقتارىنا راديو ءۇنىن جەتكىزۋ مۇمكىن بولماعان ەدى. ءبىز وسى ماسەلەنى شەشۋدى بىلتىردان باستاپ قولعا الدىق. ول ءۇشىن ارنايى جول كارتاسىن قابىلدادىق. ناتيجەسىندە, 2025 جىلعا دەيىن ەلىمىزدىڭ 95% تەرريتورياسىنا راديومىزدىڭ ءۇنى جەتەتىن بولادى. بۇگىنگى راديو كۇنى مەرەكەسىندە 40 اۋىلعا قازاق راديوسىن قوسىپ وتىرمىز. جالپى جوسپار بويىنشا الداعى ۋاقىتتا شەكارالاس اۋماقتاعى 400-دەن استام اۋىل «قازاق راديوسى» مەن «شالقار راديوسىنا» قوسىلاتىن بولادى», دەدى مينيستر.
