وبلىستىق تجد ءباسپاسوز قىزمەتىنىڭ مالىمەتىنشە, العاشقى وقيعا تاڭەرتەڭ ساعات 8:35-تە تىركەلگەن. اقسۋ قالاسىنىڭ «نۇرلى جول» اۆتوجول كوپىرىندە 1989 جىلى شىققان Mersedes Benz اۆتوكولىگى تولىعىمەن جانىپ كەتتى.
«كولىك پاۆلوداردان اقسۋ قالاسىنا بارا جاتقان. ءورتتىڭ جالپى اۋدانى 6 شارشى مەتردى قۇرادى. ءورت ساعات 09:49-دا ءسوندىرىلدى. وقيعا ورنىندا اقسۋ قالاسىنىڭ № 12 ءورت ءسوندىرۋ بەكەتى قۇرامىنان 3 ادام جانە ءبىر تەحنيكا جۇمىس ىستەدى. اقسۋ قالاسىنىڭ ەڭ جاقىن ءورت ءسوندىرۋ بەكەتى مەن وقيعا ورنىنا دەيىنگى قاشىقتىق 8 كم قۇرايدى», دەلىنگەن دەپارتامەنت تاراتقا حابارلامادا.
سونداي-اق ساعات 10:28-دە «101» پۋلتىنە مير جانە گەنەرال دۇيسەنوۆ كوشەلەرىنىڭ قيىلىسىندا ءورت شىققانى تۋرالى حابارلاما تۇسكەن.
اشىق اۋماقتا Volkswagen Passat اۆتوكولىگىنىڭ موتور جانە سالوننىڭ الدىڭعى بولىكتەرىندە, جالپى اۋدانى 4 شارشى مەتر توبەدەگى ورىندىقتاردىڭ ءىشىنارا قاپتامالارى جانعان. ءتىلسىز جاۋدى اۋىزدىقتاۋعا جەكە قۇرامنان 2 ادام جانە ءبىر تەحنيكا جۇمىلدىرىلدى.
