تاعايىنداۋ • 28 قىركۇيەك، 2021

باتىس قازاقستان وبلىسى اكىمىنىڭ ءبىرىنشى ورىنباسارى تاعايىندالدى

62 رەت كورسەتىلدى

قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن جانە باتىس قازاقستان وبلىسى اكىمىنىڭ وكىمىمەن باتىس قازاقستان وبلىسى اكىمىنىڭ ءبىرىنشى ورىنباسارى بولىپ وتەعۇلوۆ ارمان كارىم ۇلى تاعايىندالدى دەپ حابارلايدى Egemen.kz.

ارمان وتەعۇلوۆ 1964 جىلى تۋعان، ءبىلىمى جوعارى. ساراتوۆ زووتەحنيكالىق-ۆەتەرينارلىق ينستيتۋتىن، باتىس قازاقستان ينجەنەرلىك-تەحنولوگيالىق ۋنيۆەرسيتەتىن جانە قازاقستاندىق يننوۆاتسيالىق جانە تەلەكوممۋنيكاتسيالىق جۇيەلەر ۋنيۆەرسيتەتىن «مال دارىگەرى»، «ەكونوميكا باكالاۆرى»، «ەكونوميكا عىلىمدارىنىڭ ماگيسترى» ماماندىقتارى بويىنشا تامامداعان.

ءار جىلدارى باتىس قازاقستان وبلىسىنداعى قازتالوۆ اۋدانى اكىمىنىڭ ورىنباسارى، قاراتوبە جانە تەرەكتى اۋداندارىنىڭ اكىمى، باتىس قازاقستان وبلىسى اۋىل شارۋاشىلىعى باسقارماسىنىڭ باسشىسى، باتىس قازاقستان وبلىسى اكىمىنىڭ ورىنباسارى، ءبىرىنشى ورىنباسارى، قازاقستان رەسپۋبليكاسى اۋىل شارۋاشىلىعى مينيسترلىگى ۆەتەرينارلىق باقىلاۋ جانە قاداعالاۋ كوميتەتىنىڭ توراعاسى قىزمەتتەرىن اتقارعان. 2020 جىلدان بەرى تەرەكتى اۋدانىنىڭ اكىمى لاۋازىمىندا بولدى.

ارمان كارىم ۇلى وبلىس اكىمدىگىندە اۋىل شارۋاشىلىعى، كاسىپكەرلىك جانە يندۋستريالدىق-يننوۆاتسيالىق دامۋ، جەر قاتىناستارى، تسيفرلاندىرۋ ماسەلەلەرىنە جەتەكشىلىك ەتەتىن بولادى.

سوڭعى جاڭالىقتار

ۇقساس جاڭالىقتار