«مەملەكەت باسشىسىنىڭ تاپسىرماسىنا سايكەس وڭدەۋ ونەركاسىبى ءوندىرىسىنىڭ كولەمىن 2025 جىلعا قاراي 1,5 ەسەگە ارتتىرۋ مىندەتى قويىلدى. ناقتى كولەم يندەكسى (نكي) جىل سايىن ورتاشا 4,2%-عا ءوسىپ, زاتتاي كورىنىستە 13,1-دەن 19,7 ترلن تەڭگەگە ارتادى. بيىل 8 ايدىڭ قورىتىندىسىندا ناقتى كولەم يندەكسى 5,8%-دى قۇرادى», دەدى ب. اتامقۇلوۆ.
ونىڭ ايتۋىنشا, فارماتسەۆتيكا ونەركاسىبى – 140,8%, ماشينا جاساۋ – 123,9% جانە قۇرىلىس ماتەريالدارى ءوندىرىسى 111,6% ءوسىمدى كورسەتتى. ءوندىرىس كولەمىن ۇلعايتۋ بويىنشا قويىلعان ماقساتقا جەتۋدە يندۋستريالاندىرۋ كارتاسى جوبالارىنىڭ ۇلەسى زور. «2021 جىلى وڭىرلەر جالپى سوماسى 1,23 ترلن تەڭگە بولاتىن 128 جوبانى ىسكە قوسۋدى جوسپارلاپ وتىر. 12 مىڭ جاڭا تۇراقتى جۇمىس ورنى اشىلادى.
جوبالاردىڭ ەڭ كوبى شىمكەنت قالاسىندا – 17 جوبا, قاراعاندى جانە شىعىس قازاقستان وبلىستارىندا - 14 جوبادان. 128 جوبانىڭ 107-ءسى وڭدەۋ ونەركاسىبىنە, 15-ءى ەنەرگەتيكا سالاسىنا جانە 6 جوبا باسقا دا سالالارعا جاتادى. وڭدەۋ ونەركاسىبىندە جالپى سوماسى 923,2 ملرد تەڭگەگە 107 جوبانى ىسكە قوسۋ جوسپارلانعان», دەدى مينيستر.
وسى ورايدا جوبالاردىڭ ەڭ كوپ سانى: تاماق ونەركاسىبى (89,7 ملرد تەڭگە سوماسىنا 39 جوبا), مەتاللۋرگيا (672,3 ملرد تەڭگە سوماسىنا 16 جوبا), ماشينا جاساۋ (79,6 ملرد تەڭگە سوماسىنا 15 جوبا) جانە قۇرىلىس يندۋسترياسى (55,1 ملرد تەڭگە سوماسىنا 15 جوبا) سالالارىندا. سونىمەن قاتار, 670 ملرد تەڭگەدەن استام ينۆەستيتسيانىڭ نەگىزگى ۇلەسىن مەتاللۋرگيا جوبالارى قامتاماسىز ەتەدى.
«ەلدەگى قۇرىلىس يندۋسترياسىنىڭ ءوسۋى سالاعا باعىتتالعان ينۆەستيتسيالاردىڭ ارتۋىنا ىقپال ەتتى. بۇل ءۇردىس قۇرىلىس ماتەريالدارى باعاسىنىڭ تۇراقتانۋىنا وڭ اسەر ەتەدى. ارنايى ەكونوميكالىق ايماقتاردا (اەا) بيىل 27,7 ملرد تەڭگەگە 15 جوبا ىسكە اسىرىلىپ, 842 جۇمىس ورنى اشىلادى. بۇل ايماقتاردى جوبالارمەن تولتىرادى», دەدى ب. اتامقۇلوۆ.
