«اقمولا وبلىسىندا نۇر-سۇلتاننان الاياقتىق جولمەن اكەلىنىپ, قىركۇيەك ايىنىڭ باسىنان بەرى جاۋاپكەرشىلىگى شەكتەۋلى سەرىكتەستىكتەردىڭ بىرىندە ەڭبەك ەتىپ جۇرگەن ءۇش ادامدى زاڭسىز ۇستاۋ دەرەگى انىقتالدى. ولار ەگىستىكتەن جينالعان كارتوپتى سۇرىپتاۋمەن اينالىسقان. كۇنىنە 8 مىڭ مەن 10 مىڭ تەڭگە اراسىندا تولەۋگە ۋادە ەتكەن, بىراق جالاقى تولەنبەگەن. جابىرلەنۋشىلەر تۇندە كونتەينەرلەردە قونىپ, تاۋلىگىنە 12-13 ساعات جۇمىس ىستەگەن. ۇيلەرىنە قايتقىسى كەلگەندە, قورقىتىپ, زاڭسىز ۇستاعان», دەدى نۇرماعامبەتوۆ بريفينگتە.
ونىڭ ايتۋىنشا, قازىر بۇل جاعدايعا قاتىستى قىلمىستىق كودەكستىڭ 128-بابى «ادام ساۋداسى» بويىنشا قىلمىستىق ءىس قوزعالدى.
«پوليتسيا قىزمەتكەرلەرى ەكى اي بويى ازاماتتاردى كۇش كورسەتىپ, قورقىتىپ ۇستاعان اقتوبە وبلىسىنىڭ تۇرعىنى, 50 جاستاعى شارۋا قوجالىعىنىڭ يەسىن انىقتاپ, پوليتسياعا جەتكىزدى», دەدى قانات نۇرماعامبەتوۆ.
قىلمىستىق كودەكستىڭ 128-بابى بويىنشا قىلمىستىق ءىس قوزعالعان.
كريمينالدىق پوليتسيا باسقارماسى باستىعى ورىنباسارى جابىرلەنۋشىلەرگە ءتيىستى الەۋمەتتىك كومەك كورسەتىلەتىنىن ايتتى.
«بىرنەشە كۇن بۇرىن «ستوپ ترافيك» اتتى جەدەل جانە الدىن-الۋ شاراسى وتكىزىلدى. وپەراتسيا بارىسىندا پوليتسەيلەر ادام ساۋداسىنا قاتىستى 70-تەن استام قىلمىستى اشتى. ونىڭ ىشىندە باس بوستاندىعىنان ايىرۋ دەرەگى, ادام ساۋداسىنىڭ ءۇش دەرەگى, كامەلەتكە تولماعانداردى ساتۋ بويىنشا 7 دەرەك, جەزوكشەلىكپەن اينالىسۋعا قاتىستى 16 دەرەك, ونىڭ ىشىندە كامەلەتكە تولماعانداردىڭ ءۇش دەرەگى انىقتالدى. جەزوكشەلىكپەن اينالىسۋعا بايلانىستى جانە ساتىپ الۋ ءۇشىن ءۇي-جايلاردى ۇيىمداستىرۋ مەن ۇستاۋدىڭ 47 دەرەگى انىقتالدى», دەدى نۇرماعامبەتوۆ.
