جەدەل ءىس-شارالار وتكىزۋ بارىسىندا پوليتسيا قىزمەتكەرلەرى وسكەمەن قالاسىنداعى گاراج كووپەراتيۆتەرىنىڭ بىرىنەن الكوگول ونىمدەرىن ءوندىرۋ جانە قۇيۋ تسەحىن انىقتادى, ونى وبلىس ورتالىعىنىڭ 56 جاستاعى تۇرعىنى ۇيىمداستىرعانى انىقتالدى.
«گاراجدى تەكسەرۋ كەزىندە ءتارتىپ ساقشىلارى بەس ليترلىك جانە ءبىر ليترلىك ىدىستارعا قۇيىلعان شامامەن ەكى توننا الكوگول ونىمدەرى تابىلدى. سونىمەن قاتار وندىرىسكە قاجەتتى قۇيۋعا ارنالعان زاتتار, سونداي-اق بوس كونتەينەرلەر مەن ولاردىڭ قاقپاقتارى تاركىلەندى», دەلىنگەن مالىمەتتە. تەكسەرۋ بارىسىندا كۇدىكتىنىڭ ءسپيرتتى ساقتاۋعا جانە وتكىزۋگە قانداي دا ءبىر رۇقسات قۇجاتتارى جوق ەكەندىگى انىقتالدى.
«اتالعان فاكت بەلگىلەنگەن تارتىپتە تىركەلىپ, جينالعان ماتەريالدار ءتيىستى پروتسەسسۋالدىق شەشىم قابىلداۋ ءۇشىن ۋاكىلەتتى ورگانعا جولداندى. شقو پوليتسيا دەپارتامەنتى سەرتيفيكاتتالماعان الكوگولدىڭ دەنساۋلىققا قاۋىپتى بولۋى مۇمكىن ەكەنىن ەسكەرتەدى», دەيدى وبلىستىق پد باستىعىنىڭ ورىنباسارى تالعات شاياحمەتوۆ.
