ايماقتار • 27 قىركۇيەك، 2021

الماتىدا ماس ادام جەدەل جاردەم اۋرۋحاناسىندا توبەلەس شىعاردى

27 رەت كورسەتىلدى

الماتىدا ماس ادام جەدەل جاردەم اۋرۋحاناسىنىڭ قابىلداۋ بولىمىندە جانجال شىعارىپ، ەمدەۋ مەكەمەسىنىڭ ەسىگىن سىندىردى، دەپ حابارلايدى Egemen.kz.

ونىڭ ۆيدەوسى الەۋمەتتىك جەلىدە تارادى. بەينەجازبادان ماس ەر كىسىنىڭ ەكى پوليتسيا قىزمەتكەرىنە بوي بەرمەي، اۋرۋحانا كۇزەتشىسىمەن ەرەگەسىپ، بالاعاتتاعانىن جانە اۋرۋحانانىڭ كىرەبەرىسىندەگى ورىندىقتاردىڭ جەردە قۇلاپ جاتقانىن، ەسىكتىڭ سىنعانىن كورۋگە بولادى.

قالالىق جەدەل جاردەم اۋرۋحاناسىنىڭ مالىمەتىنشە، 1997 جىلى تۋعان ماس پاتسيەنت امبۋلاتوريالىق ەمدەلۋگە مەدەۋ اۋداندىق پوليتسيا باسقارماسىنان جەتكىزىلدى. وعان وڭ جاق بىلەگىنىڭ اشىق جاراسى دياگنوزى قويىلعان.

«جارانى تاڭىپ بولعاننان كەيىن ول شۋ شىعاردى. دارىگەرلەرگە دورەكى سويلەپ، اۋرۋحانانىڭ قابىلداۋ بولىمىندە تۇرعان زاتتاردى لاقتىردى. ەسىكتى سىندىردى، ول جوندەۋگە كەلمەيدى. اۋرۋحاناعا ماتەريالدىق شىعىن كەلتىردى. اۋرۋحاناعا جەدەل ارەكەت ەتۋ توبى شاقىرىلدى، ونى ۇستاپ پوليتسياعا تاپسىردى»، دەپ حابارلادى اۋرۋحانادان.

قالالىق پوليتسيا دەپارتامەنتى المالى اۋدانىنىڭ پوليتسيا باسقارماسى بۇل ازاماتتى ۇساق بۇزاقىلىق ءۇشىن جاۋاپقا تارتقانىن حابارلادى.

 

 

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار