ەلوردا • 26 قىركۇيەك، 2021

استانا مارافونىنا شۆەتسيالىق ازامات قاتىستى

22 رەت كورسەتىلدى

ەلورداداعى EXPO الاڭىندا باستالعان «Astana Marathon 2021» حالىقارالىق مارافونىنا شۆەتسيادان كەلگەن ازامات قاتىسۋدا، دەپ حابارلايدى Egemen.kz.

قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالىپ وتىرعان مارافونعا 18 جاستان اسقان ەكپە العان جانە پتر-انىقتاماسىن ۇسىنعان 16 جاستان اسقان جەلاياقتار عانا قاتىسا الادى.

قالادا قالىپتاسقان ەپيدەميولوگيالىق جاعدايعا بايلانىستى بيىل مارافونشىلار سانى قاتاڭ شەكتەلدى. بۇل رەتتە قاتىسۋشىلاردى قابىلداۋ «Ashyq» جۇيەسى ارقىلى جۇزەگە اسىرىلدى.

مارافون قالالىق دەنە شىنىقتىرۋ جانە سپورت باسقارماسىنىڭ ۇيىمداستىرىلۋىمەن ءوتىپ جاتىر. «Astana Marathon-2021» اياسىندا ەكى قاشىقتىق كوزدەلگەن: 18 جانە ودان جوعارى جاستاعى قاتىسۋشىلار ءۇشىن 42.2 كم، ال 16 جانە ودان جوعارى جاستاعى قاتىسۋشىلار ءۇشىن 10 كم.

م

«بۇل مەنىڭ ەڭ العاشقى مارافونىم، كوپتەن بەرى قاتىسۋدى قالاپ ءجۇر ەدىم، ەندى مىنە وسىندامىن. مۇنداي اۋقىمدى شارانى ۇزاق كۇتتىم، رۇقسات بەرىلىپ، ەندى مىنە ءوتىپ جاتىر. مەن ءۇشىن بۇل العاشقى رەسمي ستارت. مارافوندى 42،2 كم قاشىقتىقتا تولىق وتكىزەمىن. بۇعان شامامەن 2 جىل دايىندالعانمىن. سوڭعى 3-4 ايدا دايىندىعىمدى تىپتەن كۇشەيتتىم. ءوزىم جۇگىرۋدى جاقسى كورەمىن جانە ءبارىن سالاۋاتتى ءومىر سالتى مەن سپورتقا شاقىرامىن»، دەدى ەلوردا تۇرعىنى وكسانا.

ءوز كۇشىن سىناۋ ءۇشىن مارافونعا وزگە ەلدەردىڭ ازاماتتارى دا قاتىسۋعا نيەت ءبىلدىردى.

«كوپتەن بەرى سپورتپەن اينالىسپاي ءجۇردىم. سوندىقتان بۇگىن 10 كم عانا جۇگىرەيىن دەپ شەشتىم. بۇل ۇلكەن ءىس-شارا»، دەپ ءبولىستى شۆەتسيادان كەلگەن قاتىسۋشى مارتين.

است

ايتا كەتسەك، بيىلعى مارافون «قولا» ستاتۋسىنا يە. Bronze Label Road Races 2019 جىلعى قاراشادا World Athletics ۇيىمى تاراپىنان بەرىلىپ، تمد اۋماعىندا Astana Marathon وسىنداي ستاتۋسقا يە بولعان العاشقى جانە جالعىز مارافون وتكىزدى. 2018 جىلدان باستاپ Astana Marathon حالىقارالىق مارافوندار مەن جەلاياقاتار قاۋىمداستىعىنىڭ (AIMS) قۇرامىنا كىردى، ال 2020 جىلدان باستاپ Abbott World Marathon Majors Wanda Age Group جاس ەرەكشەلىك توپتارىندا مارافوننان الەم چەمپيوناتىنىڭ بىلىكتىلىك توبىنا ەندى.

م

و

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار