قازاقستان • 26 قىركۇيەك، 2021

قازاقستاندا ەڭبەك كۇنى اتاپ وتىلەدى

59 رەت كورسەتىلدى

بۇگىن، قىركۇيەكتىڭ سوڭعى جەكسەنبىسىندە قازاقستاندا ەڭبەك كۇنى اتاپ وتىلەدى، دەپ حابارلايدى Egemen.kz.

ەڭبەك كۇنى قازاقستان رەسپۋبليكاسى پرەزيدەنتىنىڭ جارلىعىمەن 2013 جىلعى قاراشادا جۇمىسشى ماماندىقتارىنا قۇرمەت كورسەتۋ داستۇرلەرىن جاڭعىرتۋ جانە ەرتە جاستان ەڭبەكتىڭ ماڭىزدىلىعىن ءتۇسىنۋ ماقساتىندا بەكىتىلدى.

بۇل كۇندى مەرەكەلەۋدىڭ نەگىزگى ماقساتى ءونىمدى ەڭبەكتى ىنتالاندىرۋ، جاستار اراسىندا جۇمىسشى ماماندىقتاردى ناسيحاتتاۋ جانە پرەزيدەنتتىڭ جالپىعا ورتاق ەڭبەك قوعامىن قۇرۋ جونىندەگى يدەياسى شەڭبەرىندە جۇمىسشى اۋلەتتەرىنىڭ كوپجىلدىق داستۇرلەرىن نىعايتۋ بولىپ تابىلادى.

قازاقستاندا وسى كۇننەن باستاپ «ەڭبەك ارداگەرى» مەدالى، ەڭ جوعارى دارەجەلى ەرەكشەلىك بەلگىسى - «قازاقستاننىڭ ەڭبەك ەرى» (گەروي ترۋدا كازاحستانا) سياقتى ماراپاتتار تاعايىندالدى. مۇنداي شەشىم قازاقستاندىق قوعامداعى ەڭبەك ادامىنىڭ بەدەلىن ارتتىرۋ ماقساتىندا قابىلداندى.

«ەڭبەك ارداگەرى» مەدالىمەن ەكونوميكانىڭ ءارتۇرلى سالالارىنىڭ قىزمەتكەرلەرى جانە جالپى جۇمىس ءوتىلى 40 جىلدان استام، ونىڭ ىشىندە كەمىندە 10 جىل ءبىر سالادا جۇمىس ىستەگەن، سونداي-اق ەڭبەك قىزمەتىندە ەڭ جوعارى ناتيجەلەرگە قول جەتكىزگەن زەينەتكەرلىك جاسقا جەتكەن ادامدار ناگرادتالادى.

«قازاقستاننىڭ ەڭبەك ەرى» جوعارى دارەجەسى قازاقستان رەسپۋبليكاسىنىڭ ەكونوميكالىق جانە الەۋمەتتىك-گۋمانيتارلىق دامۋىنداعى اسا ۇزدىك جەتىستىكتەرى ءۇشىن بەرىلەدى. «قازاقستاننىڭ ەڭبەك ەرى» اتاعىنا يە بولعان ادامدارعا ايرىقشا ەرەكشەلىك بەلگىسى – التىن جۇلدىز جانە «وتان» وردەنى تاپسىرىلادى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار