ەلوردا • 25 قىركۇيەك، 2021

ەلوردا ماڭىندا اتپەن سەرۋەندەۋگە ارنالعان جول سالىندى

88 رەت كورسەتىلدى

نۇر-سۇلتان ماڭىنداعى جاسىل بەلدەۋ اۋماعىندا ات سپورتى كەشەنىنىڭ قۇرىلىسى اياقتالدى، دەپ حابارلايدى Egemen.kz قالا اكىمدىگىنىڭ سايتىنا سىلتەمە جاساپ.

قالا اكىمدىگىنىڭ باستاماسىمەن ورمان اۋماعىندا جالپى ۇزىندىعى 13،2 شاقىرىم بولاتىن اتپەن جۇرۋگە ارنالعان سوقپاق جول پايدالانۋعا بەرىلدى. جاسىل بەلدەۋدە اتپەن سەرۋەندەگىسى كەلگەندەر ارنايى ورىنعا كەلىپ، بەلگىلى ءبىر ۋاقىت ارالىعىنا جىلقىنى جالعا الا الادى.

«اتپەن جۇرۋگە ارنالعان سوقپاقتا قالا تۇرعىندارى مەن قوناقتارىنىڭ قاۋىپسىز دەمالىسى ءۇشىن بارلىق جاعداي قاراستىرىلعان. اتاپ ايتساق، نىسان اۋماعىندا 5 دەمالىس ايماعى، اۆتوتۇراق، مودۋلدىك اجەتحانالار بار. بەينەباقىلاۋ كامەرالارى دا ورناتىلعان. اتتاردى كۇتىپ-باپتاۋ، كەلۋشىلەرگە قىزمەت كورسەتۋ باعىتىندا 15 جاڭا جۇمىس ورنى اشىلدى. مۇندا كەلۋشىلەرگە تابيعات اياسىندا تازا اۋادا اتپەن سەرۋەندەۋمەن بىرگە اتقا ءمىنۋدى ۇيرەتۋ قىزمەتى دە ۇسىنىلادى. جاقىندا الەۋەتتىك جوبا اياسىندا دەنساۋلىعىندا اقاۋى بار جاندار ءۇشىن يپپوتەراپيا قىزمەتى ىسكە قوسىلماق»، دەيدى نۇر-سۇلتان قالاسى اكىمدىگىنىڭ قورشاعان ورتانى قورعاۋ جانە تابيعاتتى پايدالانۋ باسقارماسىنىڭ ءبولىم باسشىسى قىدىر جيەنالى.

ا

ايتا كەتسەك، «تۋريستىك مارشرۋت» دەپ اتالاتىن جاڭا نىسان ورنالاسقان جاسىل بەلدەۋ – قالا قالقانى. ونىڭ اۋماعىندا 12،1 ميلليوننان استام اعاش پەن بۇتا وتىرعىزىلعان. 

ا

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار