ساياسات • 24 قىركۇيەك، 2021

تەڭىزگە شىعار جولى جوق دامۋشى ەلدەردىڭ مينيسترلەرى كەزدەستى

25 رەت كورسەتىلدى

بۇۇ باس اسسامبلەياسىنىڭ 76-شى سەسسياسى اياسىندا قازاقستان پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى توراعالىعىمەن تەڭىزگە شىعار جولى جوق دامۋشى ەلدەر (تشجدە) توبىنىڭ 20-شى جىل سايىنعى مينيسترلىك وتىرىسى ونلاين رەجيمدە ءوتتى، دەپ جازادى Egemen.kz.

كەزدەسۋ قاتىسۋشىلارىنا سونداي-اق بۇۇ باس اسسامبلەياسى 76-شى سەسسياسىنىڭ توراعاسى ابدۋللا شاحيد جانە بۇۇ-نىڭ ەڭ وسال دامۋشى ەلدەرگە ارنالعان جوعارى وكىلى كورتني راتترەي قۇتتىقتاۋ حاتتارىن جولدادى.

وتىرىستى اشقان مينيستر پاندەميادان نەعۇرلىم زارداپ شەككەن وسال ەلدەردىڭ وسى توبى حالىقارالىق ارىپتەستەر مەن دونورلار تاراپىنان بارابار قولداۋدى تالاپ ەتەتىنىن اتاپ ءوتتى. قازاقستان 2020-2021 جىلدارعا ارنالعان تشجدە توبىنىڭ جاھاندىق توراعاسى بولا وتىرىپ، ەكى جىلعا جۋىق ۋاقىت بويى بارلىق ءتيىستى حالىقارالىق الاڭداردا توپ ەلدەرىنىڭ مۇددەلەرىن قورعادى جانە ىلگەرىلەتتى.

كەزدەسۋ قورىتىندىسى بويىنشا مينيسترلىك دەكلاراتسياسى قابىلدانىپ، وندا، اتاپ ايتقاندا، قازاقستاننىڭ باستاماسى بويىنشا توپ ەلدەرىنىڭ پروبلەمالارىن، ونىڭ ىشىندە الەمدىك نارىقتاردان الىستىعىمەن جانە ترانزيتتىك ەلدەرگە تاۋەلدىلىگىمەن بايلانىستى پروبلەمالاردى شەشۋدە پروگرەستى جەدەلدەتۋ جونىندەگى جول كارتاسىن ىسكە اسىرۋدى تۇراقتى ۇيلەستىرۋ بويىنشا جاڭا حاتشىلىقتى قۇرۋعا شاقىرۋ كوتەرىلدى. قازاقستاندىق توراعالىق باستاماشى بولعان جانە وتكەن جىلدىڭ قىركۇيەگىندە قابىلدانعان بۇل قۇجات 2024 جىلعا دەيىنگى كەزەڭدە وسى مىندەتتەردى جەدەل ىسكە اسىرۋ ءۇشىن بارلىق مۇددەلى تاراپتاردىڭ كۇش-جىگەرىن بىرىكتىرۋگە ىقپال ەتەدى.

ءىس-شاراعا 85-تەن استام دەلەگات، ونىڭ ىشىندە 32 ەلدىڭ سىرتقى ساياسي ۆەدومستۆولارىنىڭ جانە ارىپتەس ەلدەردىڭ باسشىلارى، يۋنيدو، فاو، يۋنكتاد، ازتمەاك، مومد، دسۇ، ەەك جانە ت.ب. سياقتى بۇۇ حالىقارالىق ۇيىمدارى مەن اگەنتتىكتەرىنىڭ باسشىلارى قاتىستى.

سونداي-اق كەزدەسۋ اياسىندا 2022-2023 جىلدارعا تشجدە توبىنىڭ كەلەسى توراعاسى – بوتسۆانا سايلاندى.

تەڭىزگە شىعا المايتىن دامۋشى ەلدەر توبىنا جارتى ميللياردتان استام حالقى بار 32 ەل كىرەدى. قازاقستان تەڭىزگە شىعا المايتىن ەڭ ءىرى اۋماقتىق جانە الەمدىك مۇحيتتان ەڭ الىس (3000 كم-دەن استام) مەملەكەت بولىپ تابىلادى.

سول كۇنى م.تىلەۋبەردى يادرولىق سىناقتارعا جان-جاقتى تىيىم سالۋ تۋرالى شارتتىڭ (ياسجتش) كۇشىنە ەنۋىنە جاردەمدەسۋ جونىندەگى مينيسترلىك كونفەرەنتسياعا قاتىستى. ول ءوز سوزىندە قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ 1991 جىلى سەمەي سىناق پوليگونىن جابۋ تۋرالى تاريحي شەشىمىنىڭ 30 جىلدىعىن اتاپ ءوتتى، ويتكەنى ءبىزدىڭ ەلىمىزدىڭ ۇلگىسىن يادرولىق سىناقتاردان باس تارتتى باسقا ەلدەر ۇستانىپ، بۇل 1996 جىلى ياسجتش-نىڭ قابىلدانۋىنا نەگىز بولدى.

مينيستر ياسجتش-نى راتيفيكاتسيالاماعان ەلدەردى شارتتىڭ كۇشىنە ەنۋىنە ءوز ۇلەسىن قوسۋعا شاقىردى.

ياسجتش يادرولىق قارۋدى سىناۋعا جاھاندىق تىيىم سالۋدى بەلگىلەيدى جانە ونىڭ ورىندالۋىن باقىلاۋدى كوزدەيدى. قازاقستان مەن جاپونيا 2015 جىلى ياسجتش-نىڭ كۇشىنە ەنۋىنە جاردەمدەسۋ جونىندەگى كونفەرەنتسياعا تەڭ توراعالىق ەتتى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار