ەكونوميكا • 24 قىركۇيەك، 2021

قازاقستاندا ماكارون ونىمدەرى قىمباتتايدى

49 رەت كورسەتىلدى

قازاقستاندىق ءىرى ماكارون وندىرۋشىلەردىڭ ءبىرى شىعاراتىن ونىمدەردىڭ باعاسى شامامەن 10%-عا ءوسۋى مۇمكىن. باعانىڭ كوتەرىلۋىنىڭ باستى سەبەبى - استىق پەن ۇننىڭ قىمباتتاۋى، دەپ حابارلايدى Egemen.kz.

كاسىپورىننىڭ اتقارۋشى ديرەكتورى سەرگەي يۋگايدىڭ ايتۋىنشا، سوڭعى ءۇش جىلدا قازاقستاندا استىق پەن ۇننىڭ باعاسى تۇراقتى وسۋدە. 

- ەگەر وتكەن جىلى ۇننىڭ كەلىسى 130-135 تەڭگە بولسا، بيىل 150 تەڭگەگە جەتتى. ۇن قىمباتتاسا، ماكارون باعاسى دا وسەدى. ءونىم باعاسىن كوتەرمەسەك شىعىنعا باتامىز، - دەدى ءمان-جايدى تۇسىندىرگەن سەرگەي يۋگاي.  

ونىڭ ايتۋىنشا، باعانىڭ وسۋىنە بۇدان بولەك رەسەيدەن جەتكىزىلەتىن قاپتاما ماتەريالىنىڭ قىمباتتاۋى جانە جۇمىسشىلاردىڭ جالاقىسىن كوتەرۋ قاجەتتىلىگى دە اسەر ەتەدى. 

- جوبامەن قازان ايىنان باستاپ دايىن ءونىمنىڭ باعاسىن 8-10 پايىزعا كوتەرۋگە تۋرا كەلەدى. سوڭعى رەت ءبىز ماكارون ونىمدەرىنىڭ قۇنىن ءبىر جىلدان استام ۋاقىت بۇرىن كوتەردىك، بۇل ۋاقىت ىشىندە ۇن بىرنەشە رەت قىمباتتادى، - دەپ ءتۇسىندىردى اتقارۋشى ديرەكتور. 

سونىمەن قاتار رەسەيلىك وندىرۋشىلەر دە ماكارون ونىمدەرىنىڭ باعاسىن 12%-عا قىمباتتاتاتىنىن مالىمدەگەن. ولار قاجەت بيداي ءتۇرىنىڭ تاپشىلىعى مەن ماتەريالدار باعاسىنىڭ كۇرت وسۋىنە تاپ بولعان. 

- ءبىز وندىرىستە رەسەيلىك قاتتى استىقتى قولدانبايمىز، سوندىقتان كورشى ەلدەگى باعانىڭ وسۋىنە تاۋەلدى ەمەسپىز. سونداي-اق ماكارون ونىمدەرىمىزدى رەسەيگە جەتكىزبەيمىز، ويتكەنى ءبىز وسى ۋاقىتقا دەيىن باعا دەڭگەيىندە رەسەيلىكتەرمەن باسەكەلەسە المادىق. ال ەگەر ولاردىڭ ونىمدەرى قىمباتتاپ، ءبىز باسەكەگە قابىلەتتى بولساق، مۇنى دا بايقاپ كورەمىز - دەيدى سەرگەي يۋگاي.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار