قوعام • 24 قىركۇيەك، 2021

ارناۋلى الەۋمەتتىك قىزمەت تىزبەسى كەڭەيتىلدى

28 رەت كورسەتىلدى

قازاقستاندا جالعىزباستى زەينەتكەرلەرگە عانا ەمەس، سونداي-اق جاقىن تۋىستارىنىڭ كومەگىنسىز قالعان، وتباسى ىشىندەگى جانجالعا بايلانىستى قيىن جاعدايدا جۇرگەن قارت ادامدارعا دا ۇيدە ارناۋلى الەۋمەتتىك قىزمەت كورسەتىلەتىن بولادى، دەپ جازادى Egemen.kz.

ءتيىستى وزگەرىستەر «ارناۋلى الەۋمەتتىك قىزمەتتەر كورسەتەتىن ۇيىمدار قىزمەتىنىڭ قاعيدالارىن بەكىتۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2018 جىلعى 29 تامىزداعى № 379 بۇيرىعىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىندا كوزدەلگەن.

اتالعان نورمانى بالا قۇقىقتارى جونىندەگى ۋاكىل ارۋجان ساين، پارلامەنت ءماجىلىسىنىڭ دەپۋتاتتارى، بەلگىلى قوعام قايراتكەرلەرى، ۇەۇ جانە جاو وكىلدەرى ۇسىندى.  

سونداي-اق، بارلىق مەديتسينالىق-الەۋمەتتىك مەكەمەدە مىندەتتى تۇردە بەينەباقىلاۋ كامەراسىن ورناتۋدى قاراستىراتىن وزگەرىستەر ەنگىزىلدى. كامەرا ۇيىمعا ىرگەلەس جاتقان اۋماقتىڭ الاڭى بويىنشا، نەگىزگى جانە قوسالقى كىرەبەرىستەردىڭ جانىندا، سونداي-اق ءۇي-جايلار مەن ورتاق پايدالانىلاتىن كابينەتتەردە ورناتىلادى. جازبالاردى ءمام-دەگى تۋىستارى مەن جاقىن ادامدارى كورە الادى. بۇدان باسقا، قۇجاتتا قاجەت بولعان جاعدايدا مەديتسينالىق-الەۋمەتتىك مەكەمەلەردە تۇراتىن بارلىق ادامعا ينتەرنەتتى قولجەتىمدى ەتۋ كورسەتىلگەن.

ايتا كەتۋ كەرەك، حالىقتى الەۋمەتتىك قورعاۋ جۇيەسىندە 23 مىڭنان استام ادامدى قامتيتىن ستاتسيونارلىق ۇلگىدەگى 113 ءمام جۇمىس ىستەيدى.

سونىمەن قاتار، قاجەت بولعان جاعدايدا قار، كۇل شىعارۋ، كومىردى قازاندىقتارعا جەتكىزۋ جانە باسقا دا ماۋسىمدىق جۇمىستاردى ورىنداۋ ماقساتىندا «تراكتور» پوزيتسياسىن قوسا وتىرىپ، ستاتسيونارلىق ۇلگىدەگى ءمام اۆتوكولىك قۇرالدارىنىڭ ءليميتىن كەڭەيتۋ كوزدەلەدى. بۇل كولىك قۇرالىنىڭ بولۋى اۋىلدىق ەلدى مەكەندەردە ورنالاسقان ءمام ءۇشىن قاجەت.

«جوعارىدا اتالعان سالالىق بۇيرىق جەرگىلىكتى اتقارۋشى ورگاندار مەن قوعامدىق بىرلەستىكتەردەن ارناۋلى الەۋمەتتىك قىزمەتتەر كورسەتۋ سالاسىنداعى نقا-عا وزگەرىستەر ەنگىزۋ بويىنشا 150-گە جۋىق ۇسىنىس جينالىپ، تالدانعاننان كەيىن ازىرلەنگەن»، دەپ جازادى ەڭبەك جانە حالىقتى الەۋمەتتىك قورعاۋ مينيسترلىگى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار