پرەزيدەنت • 24 قىركۇيەك، 2021

قر پرەزيدەنتىنىڭ بۇۇ-نىڭ ازىق-ت ۇلىك جۇيەلەرى جونىندەگى سامميتتە سويلەگەن ءسوزىنىڭ تولىق ءماتىنى

24 رەت كورسەتىلدى

اقوردا قازاقستان پرەزيدەنتى قاسىم-جومارت توقاەۆتىڭ بۇۇ-نىڭ ازىق-ت ۇلىك جۇيەلەرى جونىندەگى سامميتتە سويلەگەن ءسوزىنىڭ تولىق ءماتىنىن جاريالادى، دەپ حابارلايدى Egemen.kz.


قۇرمەتتى باس حاتشى!

سامميتكە قاتىسۋشىلار!

حانىمدار مەن مىرزالار!

ەڭ الدىمەن، باس حاتشى مىرزا، بۇگىنگى ءسامميتتى ۇيىمداستىرعانىڭىز ءۇشىن سىزگە ريزاشىلىعىمدى بىلدىرەمىن.

الەم كليماتتىڭ وزگەرۋى، COVID-19 پاندەمياسى، ساياسي ءارى ەكونوميكالىق تۇراقسىزدىق سياقتى جاھاندىق سىن-قاتەرلەرمەن بەتپە-بەت كەلىپ وتىر. وسىنداي كەزدە ازىق-ت ۇلىك نارىعىنىڭ ورنىقتى دامۋى ءۇشىن جاعداي جاساۋ ماڭىزدى مىندەتتەردىڭ ءبىرى بولادى.

ازىق-ت ۇلىك جۇيەلەرى تابيعي قاجەتتىلىك، قورشاعان ورتا، ەكونوميكا مەن مادەنيەت سياقتى ادامزات بولمىسىنىڭ بارلىق قىرىن قامتيدى.

دۇنيەجۇزىلىك ازىق-ت ۇلىك باعدارلاماسىنىڭ باعالاۋى بويىنشا كوروناۆيرۋس پاندەمياسى مەن كليماتتىڭ وزگەرۋى ناتيجەسىندە وسى جىلدىڭ سوڭىندا الەمدە 270 ميلليوننان استام ادام ازىق-ت ۇلىكتىڭ جەتىسپەۋشىلىگىن سەزىنەدى. ال 2030 جىلعا قاراي الەمدىك سۋ تاپشىلىعى 40 پايىزعا جەتۋى مۇمكىن.

الەم بويىنشا ازىق-ت ۇلىكتى جەتكىزۋدىڭ بەلسەندى قاتىسۋشىسى سانالاتىن قازاقستان اگرارلىق سەكتوردى ەكولوگيالاندىرۋدى جانە ورنىقتى دامىتۋدى قولدايدى.

ەلىمىز بيداي مەن ۇن ءوندىرۋشى ءىرى ەلدەردىڭ وندىعىنا كىرەدى جانە جىلىنا 7 ميلليون تونناعا دەيىن بيداي ەكسپورتتايدى.

ءبىز نەگىزگى تەجەۋشى فاكتورلارعا قاراماستان، مايلى داقىلدار ەكسپورتىن 1 ميلليون توننادان اسىردىق. دەگەنمەن، ازىق-ت ۇلىك جۇيەسى ەكونوميكالىق، الەۋمەتتىك جانە ەكولوگيالىق تۇرعىدان ورنىقتى بولۋعا ءتيىس.

قازاقستاننىڭ ەگىن شارۋاشىلىعى بويىنشا قاۋىپ-قاتەرى بار ايماقتا ورنالاسقان جانە قۇرعاق كليماتتىڭ اسەرىمەن بەتپە-بەت كەلۋدە. ەلىمىزدىڭ سۋ شارۋاشىلىعى 40 پايىز كورشى ەلدەردەن اعىپ كەلەتىن سۋعا تاۋەلدى.

جەر-سۋ رەسۋرستارىن بارىنشا ءتيىمدى پايدالانۋ ماقساتىندا جەردىڭ قۇنارىن ارتتىرۋ، سۋ ۇنەمدەۋ تەحنولوگيالارىن ەنگىزۋ جانە سۋ وتكىزۋ جۇيەلەرىن تسيفرلاندىرۋ جونىندە شارالار قابىلدادىق.

ورنىقتى ازىق-ت ۇلىك جۇيەلەرى تۋرالى ايتقان كەزدە كوپتەگەن ەلدە سۋ ديپلوماتياسىنا قاتىستى ماسەلەلەر وزەكتى ەكەنى انىق بايقالادى.

ازىق-ت ۇلىك جۇيەلەرى جونىندەگى پروبلەمالار مەن سۋ رەسۋرستارىن باسقارۋ، شەكاراارالىق وزەندەردى پايدالانۋ ماسەلەلەرى ءوزارا تىعىز بايلانىستى. مۇنىڭ بارلىعى ازىق-ت ۇلىك جۇيەلەرى تۋرالى كەلىسىمدەردە كورىنىس تابۋى كەرەك.

قازاقستان ازىق-ت ۇلىك قاۋىپسىزدىگى جونىندەگى يسلام ۇيىمىن قۇرۋعا باستاماشى بولدى. قازىرگى تاڭدا ونىڭ قۇرامىندا حالقىنىڭ جالپى سانى 1،4 ميللياردقا جۋىق 36 ەل بار.

وسى ۇيىم اياسىندا قازاقستان جىل سايىن مۇقتاج ەلدەرگە، ونىڭ ىشىندە اۋعان حالقىنا بيداي مەن ۇن جەتكىزۋ سياقتى قايتارىمسىز گۋمانيتارلىق كومەك كورسەتىپ كەلەدى.

باس حاتشى مىرزا!

سامميتكە قاتىسۋشىلار!

الدىمىزدا اتقاراتىن اۋقىمدى جۇمىستار تۇر. مەملەكەتتەر اراسىنداعى اگروتەحنيكالىق، عىلىمي جانە يننوۆاتسيالىق بايلانىستاردى نىعايتۋ قاجەت. سونىمەن قاتار قارجى، ينۆەستيتسيا، كولىك جانە لوگيستيكا سالالارىن دا ىلگەرىلەتۋىمىز كەرەك.

بۇۇ-نىڭ ازىق-ت ۇلىك جانە اۋىل شارۋاشىلىعى ۇيىمى جاھاندىق ازىق-ت ۇلىك قاۋىپسىزدىگىن قامتاماسىز ەتۋ جانە ونى قولداۋ ماقساتىندا تۇراقتى ەكوجۇيە قالىپتاستىرۋ ءۇشىن بارىنشا بەلسەندى جۇمىس ىستەۋى قاجەت.

سامميت اشتىقتى جويۋ، ازىق-ت ۇلىك قاۋىپسىزدىگىن قامتاماسىز ەتۋ جانە ونى جاقسارتۋ، تۇراقتى اۋىل شارۋاشىلىعىنىڭ دامۋىنا ىقپال ەتۋ سياقتى ورنىقتى دامۋدىڭ ەكىنشى نەگىزگى ماقساتىنا قول جەتكىزۋگە مۇمكىندىك بەرەتىنىنە سەنىمدىمىن.

راقمەت!

 

سوڭعى جاڭالىقتار

الماتىدا قىلمىس ازايدى

ايماقتار • كەشە

ۇقساس جاڭالىقتار