عالىمدار بەيتاراپتاندىرۋ رەاكتسياسىنا تەست وتكىزدى, ناتيجەسىندە وتاندىق «QazVac» ۆاكتسيناسىمەن ەگىلگەندەردە انتيدەنە جوعارى دەڭگەي كورسەتتى. ۆيرۋستى بەيتاراپتاندىراتىن انتيدەنەلەر كلينيكالىق زەرتتەۋگە قاتىسقان ەرىكتىلەردىڭ 90%-نان استامىندا انىقتالدى.
سونداي-اق زەرتحانادا جانۋارلارعا تاجىريبە جۇرگىزىلگەن.
ء«بىز QazVac ۆاكتسيناسى قۇرعان انتيدەنەلەردىڭ «ۋحان», «بريتاندىق الفا», «ۇندىلىك دەلتا» سياقتى كوروناۆيرۋستىڭ جاڭا شتامدارىن بەيتاراپتاندىرۋ قابىلەتىن انىقتاۋ ماقساتىندا زەرتتەۋ جۇرگىزدىك. ناتيجەلەر ۆاكتسيناتسيادان كەيىنگى انتيدەنەلەردىڭ يممۋنيتەتتى قالىپتاستىراتىنىن جانە ۆيرۋستىڭ ءۇش ءتۇرىن دە بەيتاراپتاندىرۋعا قابىلەتتى ەكەنىن كورسەتتى. سونداي-اق زەرتحانالىق جانۋارلارعا تاجىريبەلەر جۇرگىزدىك: «QazVac» ۆاكتسيناسىن العان جانە ۆاكتسيناتسيالانباعان زەرتحانالىق حومياكتاردى الدىق. ءبىراز ۋاقىتتان كەيىن ولارعا دەلتا شتاممىن جۇقتىردىق. ناتيجەسىندە ۆاكتسيناتسيالانباعان حومياكتار كوروناۆيرۋستىڭ «دەلتا» شتاممىن جۇقتىردى. ال «QazVac» ۆاكتسيناسىمەن ەگىلگەن جانۋارلار اۋىرمادى», دەپ اتاپ ءوتتى قر بعم عك بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كۇنسۇلۋ زاكاريا.
«الىنعان مالىمەتتەر «QazVac»-تىڭ كوروناۆيرۋستىڭ بار شتامدارىنا قارسى تيىمدىلىگىن, ونىڭ ىشىندە وتاندىق ۆاكتسينانىڭ دەلتا شتاممىنان قورعاۋ قابىلەتىن راستادى», دەپ جازادى بعم ءباسپاسوز قىزمەتى.
