بۇرىن تۇراقتى تىركەۋدىڭ بولۋى جانە تىركەلگەن جەرى بويىنشا حقو-عا جۇگىنۋ – الەۋمەتتىك تولەمدەردى رەسىمدەۋدىڭ باستى كريتەريىنىڭ ءبىرى بولعان.
«ەكستەرريتوريالدى قاعيدات تۇرعىلىقتى تىركەۋ ورنىنا تاۋەلدى بولماي, كليەنتتەرىمىزگە قوزعالىس ەركىندىگىن بەرەدى. ونىڭ ارقاسىندا قازاقستاندىقتار بالانىڭ تۋىنا جانە ونىڭ كۇتىمىنە بايلانىستى جاردەماقىنى, تىركەلگەن مەكەنجايىنا قاراماستان, ەلدىڭ كەز كەلگەن حقو-دا بالا ءبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەمدەردى رەسىمدەي الادى. جىل سوڭىنا قاراي ءبىز تولەمدەردىڭ باسقا تۇرلەرى بويىنشا دا ەكستەرريتوريالدى قاعيداتتى ەنگىزۋدى جوسپارلاپ وتىرمىز», دەدى «ازاماتتارعا ارنالعان ۇكىمەت» باسقارما توراعاسىنىڭ ورىنباسارى ءبىرجان ءجۇنىسوۆ.
ايتا كەتەيىك, 2021 جىلدىڭ 8 ايىندا بالا تۋىنا جانە ونىڭ ءبىر جاسقا دەيىنگى كۇتىمىنە بايلانىستى جاردەماقىلار بويىنشا 300 مىڭنان استام مەملەكەتتىك قىزمەت رەسىمدەلگەن.
