بيىل 8 اي ىشىندە دەپارتامەنت 46 قىلمىستى تىركەگەن. ونىڭ ىشىندە, سىبايلاس جەمقورلىق دەرەكتەرىنىڭ جۇيەلى ءتۇرى بويىنشا – 4, كىشى جانە ورتا بيزنەس سۋبەكتىلەرىنىڭ جۇمىسىنا زاڭسىز ارالاسۋ باعىتىندا – 2, مەملەكەتتىك باعدارلامالاردى سۇيەمەلدەۋ بارىسىندا قاراجاتتاردى ۇرلاۋ دەرەكتەرى بويىنشا – 7 نەگىزگى قىلمىس تىركەلگەن.
جامبىل وبلىسى اكىمدىگى ۆەتيريناريا باسقاراماسىنىڭ شۋ اۋداندىق ۆەتيريناريالىق ستانتسياسىنىڭ باسشىسى د.تيلەميسوۆ جانە اتالعان مەكەمەنىڭ باس ەسەپشىسى س.اۋكەشەۆا جۇيەلى تۇردە قىلمىس جاساۋ ارقىلى 62 ملن تەڭگەدەن استام مەملەكەت قارجىسىن تالان-تاراجعا سالعان, ياعني ولار 7 كاسىپكەرلىك سۋبەكتىسىنىڭ ەسەپ شوتتارىنا اتقارىلماعان جۇمىستار ءۇشىن 62 ملن تەڭگەدەن استام قاراجاتتى اۋدارعان. سوت ۇكىمىمەن تيلەميسوۆ 8 جىلعا, ال اۋكەشوۆا 7 جىلعا باس بوستاندىعىنان ايىرۋ جازاسىمەن سوتتالدى.
سەگىز اي ىشىندە 36 قىلمىستىق ءىس سوتقا جولداندى. زاڭسىز ءىس-ارەكەتتەرى ءۇشىن 26 تۇلعا قىلمىستىق جاۋاپقا تارتىلدى.
