«پاۆلودارلىق جەدەل ۋاكىلدەر وبلىس ورتالىعىنىڭ اۋماعىندا ەسىرتكى قۇرالدارىن زاڭسىز تاراتۋمەن اينالىسقان وزبەكستان رەسپۋبليكاسىنىڭ 45 جاستاعى ازاماتىن ۇستادى. ءتىنتۋ بارىسىندا جەدەل ۋاكىلدەردىڭ تۇرعىلىقتى جەرى بويىنشا «گاشيش» ەسىرتكى زاتى بار 190 پاكەت تابىلدى. جالپى سالماعى 1 كيلوگرامم 300 گراممدى قۇرادى», دەدى پاۆلودار وبلىسى پوليتسيا دەپارتامەنتىنىڭ باستىعى نۇرلان ءماسىموۆ.
شەتەلدىكپەن قىلمىستىق بايلانىستا بولعان پاۆلودار وبلىسىنىڭ 34 جاستاعى تۇرعىنىنىڭ جەكە باسى دا انىقتالدى. ەر ادام تۇرعان فەرما عيماراتتارىن تەكسەرگەن كەزدە پوليتسيا ءۇيدىڭ اۋلاسىنان وسىمدىك تەكتەس جاسىل زاتپەن تولتىرىلعان ەكى سومكەنى تاپتى. ساراپشىلار تابىلعان زاتتىڭ سالماعى 19 كگ ماريحۋانا ەكەنىن انىقتادى. ەر ادامدارعا قاتىستى قازاقستان رەسپۋبليكاسى قك 297-بابى بويىنشا سوتقا دەيىنگى تەرگەۋ باستالدى.
