ءبىلىم • 23 قىركۇيەك، 2021

قازاقستاندا تاعى ءبىر جوعارى وقۋ ورنى ليتسەنزياسىنان ايىرىلدى

21 رەت كورسەتىلدى

الماتى قالاسىنداعى شەت تىلدەر جانە ىسكەرلىك كارەرا ۋنيۆەرسيتەتى باس ليتسەنزياسىنان ايىرىلدى، دەپ حابارلايدى Egemen.kz.

بۇل تۋرالى بعم مالىمدەدى.

بۇعان دەيىن قر بعم جوعارى وقۋ ورنى باس ليتسەنزياسىنان ايىرۋ الدىندا تۇرعانى تۋرالى حابارلاعان بولاتىن. قايتا تەكسەرۋ قورىتىندىسى بويىنشا تەكسەرۋ پاراعىنىڭ 46 تارماعىنان 39 تارماعى بويىنشا بۇزۋشىلىقتار انىقتالدى. ۋنيۆەرسيتەتكە سايكەسسىزدىكتەردى جويۋعا ۋاقىت بەرىلدى.

الايدا، جوعارى وقۋ ورنى بەرىلگەن ۋاقىتتى ءبىلىم بەرۋ قىزمەتتەرىنىڭ ساپاسىن جاقسارتۋ ءۇشىن قاجەتتى جۇمىستى جۇرگىزۋ ماسەلەسىنە ەمەس، سوت تالقىلاۋىنا جانە قر بعم كوميتەتىنىڭ ءىس-ارەكەتتەرىنە شاعىمدانۋعا جۇمسادى. ناتيجەسىندە الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ شەشىمىمەن جوو باس ليتسەنزياسىنان ايىرىلدى. سونداي-اق الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ 2021 جىلعى 18 تامىزداعى شەشىمىمەن جوعارى وقۋ ورىنى نۇسقامانى ورىنداماعانى ءۇشىن اكىمشىلىك جاۋاپكەرشىلىككە تارتىلدى.

ء«بىز جوعارى وقۋ ورىندارىنا بۇزۋشىلىقتاردى جويۋعا ۋاقىت بەرەمىز، الايدا ولار كەمشىلىكتەرمەن جۇمىس جۇرگىزبەيدى. وسىعان بايلانىستى كەيىنىرەك قاتاڭ شارالار قولدانۋعا تۋرا كەلەدى. ۋنيۆەرسيتەتتەردىڭ وقۋ جاعدايلارىن، ءبىلىم بەرۋ باعدارلامالارىن جانە تۇتاستاي العاندا، ستۋدەنتتەردى بەلگىلى ءبىر ماماندىقتارعا وقىتۋعا دەگەن كوزقاراسىن جاقسارتۋى ءۇشىن بۇل وتە ماڭىزدى. ايتپەسە، جوعارى وقۋ ورىندارى ساپالى ءبىلىم ەمەس، تەك ديپلومدار بەرەتىن بولادى.

مىسالى، شەت تىلدەر جانە ىسكەرلىك كارەرا ۋنيۆەرسيتەتىندە ءبىلىم بەرۋ ساپاسىن قامتاماسىز ەتۋدىڭ ىشكى جۇيەسى قالىپتاسپاعان. ءبىلىم بەرۋ باعدارلامالارىن، جەكە وقۋ جوسپارلارىن تالداۋ بەلگىلى ءبىر پاندەر بويىنشا كرەديتتەردى يگەرۋدە ۇلكەن ايىرماشىلىقتاردى كورسەتتى. تيىسىنشە، ءبىلىم الۋشىلار پاندەردى تولىق كولەمدە مەڭگەرمەيدى. وقىتۋ ناتيجەلەرى بويىنشا ستۋدەنتتەردىڭ 90%-ى شەكتى دەڭگەيدەن وتە المادى»، دەپ اتاپ ءوتتى قر بعم ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا.

زاڭناماعا سايكەس، ليتسەنزيادان ايىرىلعان جاعدايدا ءبىلىم الۋشىلار سەمەستردىڭ اياقتالۋىن كۇتپەي-اق باسقا ۋنيۆەرسيتەتتەرگە اۋىسا الادى. ستۋدەنتتەر مەن اتا-انالاردى جانە جۇمىس بەرۋشىلەردى جوعارى وقۋ ورىندارى كورسەتەتىن ءبىلىم بەرۋ قىزمەتتەرىنىڭ ساپاسىنا نازار اۋدارۋعا شاقىرامىز.

 

 

سوڭعى جاڭالىقتار

تاۋەلسىزدىكتىڭ 30 جىلدىعى لوندوندا تويلاندى

تاۋەلسىزدىكتىڭ 30 جىلدىعى • بۇگىن، 10:52

الماتىدا جىلۋ جۇيەسى جارىلدى

ايماقتار • بۇگىن، 10:32

پاريجدە اباي ءبيۋستى اشىلدى

رۋحانيات • بۇگىن، 10:28

ۇقساس جاڭالىقتار