رەسەي فەدەراتسياسىنىڭ دەنساۋلىق ساقتاۋ مينيسترلىگى مۇرىنعا ارنالعان ۆاكتسينانىڭ كلينيكاعا دەيىنگى زەرتتەۋى اياقتالعانىن حابارلادى.
ۆاكتسينا مۇرىنعا ارنالعان سپرەي تۇرىندە جاسالىپ جاتىر. عزي ديرەكتورى دميتري ليوزنوۆتىڭ ايتۋىنشا, زەرتتەۋ جاسۋشالار مەن جانۋارلارعا جۇرگىزىلگەن. پرەپارات ءوزىنىڭ تيىمدىلىگى مەن قاۋىپسىزدىگىن كورسەتتى. قازىر عزي ەرىكتىلەردە كلينيكالىق سىناقتار وتكىزۋدى ماقۇلداۋ ءۇشىن قۇجات دايىنداپ جاتىر.
«وسى جىلدىڭ سوڭىندا نەمەسە كەلەسى جىلدىڭ باسىندا كلينيكالىق زەرتتەۋلەردى باستايمىز دەپ ۇمىتتەنەمىز», دەدى د.ليوزنوۆ.
مامانداردىڭ مالىمدەۋىنشە, جاڭا ۆاكتسينا - «سپۋتنيك V» سياقتى SARS-CoV-2 گەنەتيكالىق ماتەريالىن ەنگىزەتىن تۇماۋدىڭ السىرەگەن ۆيرۋسىنا نەگىزدەلگەن ۆەكتورلىق پرەپارات.
