كوروناۆيرۋس • 23 قىركۇيەك، 2021

ينفەكتسيالىق بولىمدەر جابىلىپ جاتىر

18 رەت كورسەتىلدى

پاۆلودار وبلىستىق ەپيدەميولوگيالىق-سانيتارلىق باقىلاۋ دەپارتامەنتىنىڭ مالىمەتىنشە، 19 قىركۇيەكتەگى احۋال بو­يىن­شا ءوڭىر ىندەتتىڭ تارالۋ كورسەتكىشى بويىنشا ءالى «قىزىل اي­ماق­تا». وسى ۋاقىتقا دەيىن جالپى ىندەت جۇقتىرعان 44 254 ناۋ­قاس تىركەلسە، 41 173-ءى ىندەتتەن جازىلىپ شىققان. بىراق وڭىر­دە ەپيدەميالىق احۋال تۇراقتالىپ كەلەدى.

– قازىرگى كەزدە اۋرۋحانا­لار­دا 968 ناۋقاس ەمدەلۋدە. جانساقتاۋ بولىمدەرىندە 88 ناۋ­قاس جاتىر. جالپى، ين­فەك­تسيا­لىق ەمحانانىڭ 45 پايىزىندا ناۋقاستار بار. سوڭعى كەزدە ينفەكتسيالىق ورىن­دار­عا ناۋقاستاردىڭ ءتۇسۋ­ىنىڭ ازايۋىنا بايلانىستى قو­سىم­شا اشىل­عان ورىندار قىس­قار­تى­ل­ۋدا. قازىر بارلىق اۋدان­دىق اۋرۋحانالارداعى، وبلىس ور­تالىعىنداعى ينفەك­تسيا­­­لىق بولىمدەر دە جابىلدى، – دەدى ونلاين بريفينگتە وب­لىس­تىق دەنساۋلىق ساقتاۋ باس­قار­ماسىنىڭ باسشىسى ايدار سەيىتقازينوۆ.

جالپى، ەمحاناعا تۇسكەن ناۋ­قاس­تارعا قاجەتتى وتتەگى قۇرىل­عى­لارى جەتكىلىكتى، مەديتسينالىق پەر­سونالدىڭ قاجەتتى مولشەرى بار. ەمحانالاردىڭ جانىندا 166 ءموبيلدى بريگادا، پتر دياگنوستيكاسىن جۇرگىزۋگە ار­نالعان 7 زەرتحانا جۇمىس ىس­تەۋ­دە. تاۋلىگىنە ورتا ەسەپپەن 2 300 پتر قورىتىندىسى شى­عا­رىلادى.

ال اقسۋ قالالىق اۋرۋحا­نا­سىنىڭ باس دارىگەرى ماقسات مۇقاشەۆتىڭ ايتۋىنشا، 3 117 ادام ىندەت جۇقتىرعان بولسا، قازىر 161 ادام باقىلاۋدا، اۋرۋحا­نا­دا 86 ادام ەمدەلۋدە. قالا تۇرعىندارىنىڭ 64 پايىزى ۆاكتسينا قابىلداعان. سونىمەن بىرگە، اقسۋ فەرروقورىتپا زاۋىتى مەن ەۋرازيالىق ەنەرگەتيكالىق كورپوراتسيانىڭ ەنەرگەتيكتەرى مەن جۇمىسشىلارى ەكپە قا­بىل­دادى. زاۋىتتاردا ەكپە الۋ ورىندارى اشىلعان. مىسالى، تەرەڭكول اۋدانىنىڭ تۇرعىنى، 93 جاستاعى ەرعالىم قاپكەنوۆ «سپۋتنيك V» ەكپەسىن العان.

– ۇيدە نەمەرەلەرىم بار. ولاردىڭ دەنساۋلىعى مەن ءۇشىن ماڭىزدى. ىندەتتەن ءوزىمدى جانە تۋعاندارىمدى قورعاۋ ءۇشىن ەكپە الدىم. تۇرعىنداردى دا ەك­پە الۋعا شاقىرامىن، – دەيدى ەرعالىم اتا.

وبلىستاعى ماي اۋدانىنىڭ تۇرعىندارى ۇجىمدىق يممۋ­نيتەت­تى قالىپتاستىرۋدا ۇلگى بو­لۋدا. بۇگىندە اۋدان جۇرتشى­لى­عىنىڭ 70 پايىزدان استامى قاۋىپتى ىندەتكە قارسى ەكپە العان. اۋداندىق ىشكى ساياسات ءبولىمىنىڭ مالىمەتىنشە، ەكپە سالۋ كابينەتتەرى ءۇزىلىسسىز ءارى دە­مالىسسىز جۇمىس ىستەيدى. اۋداندا دەنساۋلىعى ەكپە الۋعا جارامدى 6 007 ادامنىڭ 4 632-ءسى ەگىلگەن. ەگۋ بولىمشەلەرى اۋدان­­دىق اۋرۋحانا مەن قازان، ما­لاي­سارى، قاراتەرەك اۋىل­دىق اۋماقتارىندا اشىلعان. ا­ق­شيمان، مايتۇبەك، قارا­تە­رەك، اقجار، مالايسارى، ساتى اۋىلىنىڭ تۇرعىندارى بەل­سەن­دىلىك تانىتىپ، ەكپە الۋدا. دەمالىس كۇندەرى جىلجىمالى ەكپە ەگۋ كەشەنى جانە مەدي­تسي­نا­لىق قىزمەتكەرلەردىڭ كوش­پە­لى بريگادالارى جۇمىس ىستەيدى.

ال ۋسپەن اۋدانىندا 700-دەن استام تۇرعىن ەكپە الىپ بولعان سوڭ اۋدان ىشىندە ۇجىمدىق يممۋنيتەت قالىپتاسقان. ويتكەنى ءوڭىر بويىنشا يممۋنداۋعا جاتاتىن 7 079 ادامنىڭ 6 365-ءى ­ەكپە الىپ ۇلگەرگەن. ۋسپەن اۋدانىنىڭ 11 اۋىلىندا ەكپە الۋعا قارسى كورسەتىلىمدەرى جوق تۇرعىنداردىڭ ءبارى ەكپە العان. اۋدان اكىمى نيكولاي دىچكونىڭ مالىمەتىنشە، اۋدان اۋماعىندا جاۋاپتى ادامدار بەلگىلەنگەن. ەرىكتىلەر اۋىل تۇرعىندارىنا قوڭىراۋ شالىپ، جەرگىلىكتى قوعامداستىق وكىلدەرى جەرلەستەرىنە ۆاكتسينا الۋ قاجەتتىلىگى تۋرالى ايتىپ بەرەدى. اۋىل اكىمدەرىنىڭ WhatsApp جەلىسى ارقىلى حابارلاما تاراتۋى جولعا قويىلعان.

وبلىس ەمحانالارىنا ىن­دەت­كە قارسى ەكپەنىڭ ءى كوم­پو­نەن­تى بويىنشا 362 785 جانە II كوم­پونەنتى بويىنشا 323 765 داناسى جەتكىزىلگەن. وب­لىس­تىق دەن­ساۋ­لىق ساقتاۋ باس­قار­ما­سى­نىڭ مالىمەتىنشە، كۇز مەز­گىلىندە ءوڭىر تۇرعىندارىنىڭ كەم دەگەندە 60 پايىزى ەكپە الىپ، ۇجىمدىق يممۋنيتەتتى قالىپتاستىرۋى كەرەك. بىراق شىلدە مەن تامىز اي­لارىمەن سالىستىرعاندا قا­­زىر ۆاكتسينا الۋشىلاردىڭ  سانى ازاي­عان. وبلىستا ال­عاش­قى ەكپە قابىلداۋدى 281 مىڭ­نان استام ادام السا، ەكىنشى كوم­پو­نەنت­تى 250 مىڭنان استام ادام قا­بىل­داعان كورىنەدى. ءوڭىر بو­يىنشا 450 مىڭ ادام الادى دەپ جوسپارلانعان بولسا، بۇگىندە ۆاكتسينانىڭ ءى كومپونەنتىن 64 پايىزى، ءىى كومپونەنتىن 55 پا­يىزى قابىلداپتى. قازىرگى تاڭدا وبلىس تۇرعىندارىنا ەكپەنىڭ سپۋتنيك V، Qazvac، Vero Cell تۇرلەرى سالىنۋدا.

 

پاۆلودار وبلىسى

 

سوڭعى جاڭالىقتار

ۇقساس جاڭالىقتار