الماتى ەپيدەميولوگيالىق باعالاۋ ماتريتساسى بويىنشا ءالى قىزىل ايماقتا.
«22 قىركۇيەكتە قالادا كوروناۆيرۋس ينفەكتسياسىنىڭ 164 289 جاعدايى تىركەلدى, ونىڭ ىشىندە 141 872 ناۋقاس سيمپتومدى جانە 22 417 – سيمپتومسىز, انىقتالماعان پنەۆمونيا – 2346. 21 قىركۇيەتە كوروناۆيرۋس ينفەكتسياسىنىڭ 498 جاعدايى تىركەلدى, ونىڭ ىشىندە 470-ءى سيمپتومدى, 28-ءى سيمپتومسىز, انىقتالماعان پنەۆمونيا – 5», دەدى قالا اكىمى.
باقىتجان ساعىنتاەۆ قالادا كوروناۆيرۋسقا شالدىققان ناۋقاستارعا ارنالعان توسەك ورىندار مەن ناۋقاستاردىڭ بۇگىنگى ناقتى سانىن دا ايتتى.
«ينفەكتسيالىق ستاتسيونارلاردا 5230 توسەك ورىن بار, ولاردا 2337 ادام ەمدەلۋدە, ونىڭ ىشىندە 111 بالا. 100 ناۋقاس اۋرۋحاناعا وتە اۋىر جاعدايدا ءتۇستى, 993-ءىنىڭ جاعدايى اۋىر, 1241-ءى ورتاشا اۋىرلىقتا, 3-ءىنىڭ جاعدايى جەڭىل. رەانيماتسيا جانە ينتەنسيۆتى تەراپيا بولىمىندە 229 ناۋقاس جاتىر. ءوجج اپپاراتىندا – 43, ءينۆازيۆتى ەمەس ءوجج – 103, High flow اپپاراتىنداعىلار – 68», دەدى ساعىنتاەۆ.
شاھار باسشىسى ءالى دە سانيتارلىق-ەپيدەميولوگيالىق قاۋىپسىزدىك شارالارىن ساقتاۋ كەرەكتىگىن جانە ىندەتكە قارسى جاپپاي ۆاكتسينالانۋ – ينفەكتسيانىڭ جاڭا تولقىنىنىڭ الدىن الۋعا كومەكتەسەتىنىن ايتتى.
«ەكپە سالدىرۋ ەلىمىزدىڭ كەيبىر ايماقتارىندا تىركەلگەن جاڭا Eta شتامىنا دا توسقاۋىل بولادى», دەدى ب.ساعىنتاەۆ.
وتكەن تاۋلىكتەردە ءبىرىنشى كومپونەنتپەن 2417 ادام, ەكىنشى كومپونەنتپەن 3906 ادام ۆاكتسيناتسيالاندى. 1 اقپاننان 21 قىركۇيەككە دەيىنگى ارالىقتا 933 678 ادام I كومپونەنتپەن, 827 239 ءىى كومپونەنتپەن ەگىلدى.
